नाशिक : लष्कराच्या मुंबईतील भरती विभागातर्फे भूदल भरतीसाठी २०२३-२४ या वर्षापासून अग्नीवीर भरती पद्धती सुरु करण्यात आली आहे. त्यानुसार अग्निवीर तांत्रिक, लिपिक, जनरल ड्यूटी व ट्रेडस्‌मन अशा विविध पदांच्या भरतीसाठी इच्छुक उमेदवारांनी ऑनलाईन अर्ज मागविण्यात आले आहेत.

इच्छुक उमेदवारांनी www.joinindianarmy.nic.in या संकेतस्थळावर १५ मार्चला रात्री बारापर्यत ऑनलाईन नोंदणी करणे आवश्यक आहे. (Applications invited for Agniveer Recruitment Register nashik news)

हेही वाचा : बँक खात्याला जोडलेल्या सिमकार्डबाबत बाळगा ही काळजी...

लिपिक जनरल ड्यूटी पदासाठी १० वी पास, तर ट्रेडसमन पदासाठी ८ वी पास असणे आवश्यक आहे. अग्निवीर तांत्रिक, लिपिक, जनरल ड्युटी व ट्रेडसमन या पदांसाठी मुंबई शहर, मुंबई उपनगर, नाशिक, रायगड, पालघर, ठाणे, धुळे व नंदूरबार या जिल्ह्यांच्या उमेदवारांची भरती करण्यात येणार आहे.

पहिल्या टप्प्यात संगणकाद्वारे ऑनलाईन पद्धतीने लेखी परीक्षा होणार असून, दुसऱ्या टप्प्यात लेखी परीक्षा पास झालेल्या उमेदवारांची शारीरिक चाचणी घेण्यात येणार आहे.