Nashik Crime : शहरातील वाढते गुन्हेगारी, गुंडगिरीचे लोन आता शाळा महाविद्यालयापर्यंत पोचले आहे. किरकोळ वादातून तसेच वर्चस्वातून शालेय आणि महाविद्यालयीन विद्यार्थ्यांवर प्राणघातक हल्ले होत आहे.

बुधवारी (ता. १२) अशा प्रकारे रविवार कारंजा येथील एका शाळेच्या बाहेर विद्यार्थ्यांवर प्राणघातक हल्ला करण्यात आला. त्यात विद्यार्थी गंभीर स्वरूपात जखमी झाला आहे. (Assault on school students Nashik Crime)

बुधवारी रविवार कारंजा येथील एका शाळेच्या बाहेर श्रमिकनगर गंजमाळ येथील शहानवाज मन्सूर शहा (१५) या विद्यार्थ्यांवर प्राणघातक हल्ला झाल्याची घटना घडली. त्यात विद्यार्थी गंभीर स्वरूपात जखमी झाला आहे.

इतकेच नाही तर चोरी, मारहाण, प्राणघातक हल्ले यासाठीही शाळेतील अल्पवयीन मुले विद्यार्थ्यांना विविध प्रकारचे आमिष दाखवून वापर केला जात आहे. यास वेळीच आवर घातला नाही तर भविष्यात भयानक परिस्थिती उद्भवण्याची भीती नागरिकांकडून व्यक्त होत आहे.

हेही वाचा : Credit Card फसवणूक....काय घ्याल काळजी?

विविध गुन्हेगारी घटनांमध्ये सराईत गुन्हेगारांकडून अल्पवयीन मुलांचा वापर केला जातो. त्यांना विविध प्रकारचे आमिष दाखवून गुन्हेगारी घटनांकडे आकर्षित केले जाते. यात शाळकरी मुलांचा देखील समावेश असतो. यावर कारवाई झाली नाही तर भविष्यात हेच प्रमाण वाढण्याची शक्यता आहे.

"अल्पवयीन मुले तसेच शाळकरी विद्यार्थी यांच्याकडे पालकांनी बारकाईने लक्ष ठेवणे आवश्यक आहे. विद्यार्थ्यांची संगत यावर विशेष लक्ष द्यावे. शाळा प्रशासनाने देखील शाळेबाहेर सुरक्षारक्षक नियुक्त करावे. पोलिसांची नियमित गस्त सुरू असते. तरीदेखील अडचण आल्यास त्वरित संपर्क साधावा." - गजेंद्र पाटील, वरिष्ठ पोलिस निरीक्षक, भद्रकाली