नाशिकरोड : येथील मध्यवर्ती कारागृहात गेल्या काही दिवसापासून शिक्षा भोगत असलेल्या एका कैद्याने आत्महत्या करण्याचा प्रयत्न केल्याची घटना घडली. या प्रकारामुळे मध्यवर्ती कारागृहात खळबळ उडाली आहे.

सुनील भानुदास बोरसे हा कैदी गेल्या काही दिवसापासून मध्यवर्ती कारागृहात शिक्षा भोगत आहे. नैराश्यात गेल्यामुळे त्याने कारागृहातील मंडल क्रमांक सात यार्ड नंबर एक सर्कल नंबर 1 व बॅरेक क्रमांक पाच या ठिकाणी त्याने शौचालयाच्या छतावर जाऊन चादर फाडून त्याची दोरी बनवून खिडकीच्या गजाला गळफास घेऊन आत्महत्या करण्याचा प्रयत्न केला. सदरची घटना कारागृह कर्मचारी व अधिकाऱ्यांचा लक्षात येताच त्यांनी सदर कैद्याला हटकले.

दरम्यान, या घटनेप्रकरणी कारागृहाचे कर्मचारी शेख युनूस सांडू यांनी नाशिक रोड पोलिस ठाण्यात तक्रार दाखल केली आहे. पुढील तपास नाशिक रोड पोलिस करत आहेत.