Bhairavanath Maharaj Yatraotsav : 'बोल भैरोबा की जय'चा गजर व गुलाल खोबऱ्याची मुक्त उधळण करीत चांदोरी (ता. निफाड) येथील ग्रामदैवत श्री भैरवनाथ महाराजांचा यात्रोत्सव मंगळवारी (ता.१८) उत्साहात पार पडला.

यात्रोत्सवास भाविकांनी मोठी गर्दी केली होती. (Bhairavanath Maharaj Yatraotsav Chandori Rathotsav attendance of thousands of devotees nashik news)

यात्रेचा आज मुख्य दिवस असल्यामुळे पहाटे पाचला भैरवनाथ महाराजांना अभिषेक घालण्यात आला. महापूजा करून मंदिर देवदर्शनासाठी खुले करण्यात आले होते. पहाटेपासूनच भाविकांनी मोठ्या प्रमाणात दर्शनासाठी गर्दी केली होती. नवस फेडणाऱ्या भाविकांनी परंपरेप्रमाणे गूळ, नारळ वाटून तर काही भक्तांनी मिरवणूक काढत दंडवत व लोटांगण घालून नवस फेडले.

यात्रेनिमित्त मंदिरावर आकर्षक रोषणाई करण्यात आली होती. सायंकाळी पाचच्या सुमारास रथोत्सवास सुरवात झाली. रथाचे मानकरी विलास नामदेव गडाख यांनी एक लाख ५ हजार रुपयांची बोली लावत पहिला लिलाव घेतला. राजेंद्र जमधडे यांनी ३१०० रुपयांचा दुसरा लिलाव घेतला. त्यावेळी भाविकांनी ‘बोल भैरोबा की जय’चा गजर केला.

संध्याकाळी निघालेल्या रथोत्सवात ‘मविप्र’चे सरचिटणीस नितीन ठाकरे, संचालक अशोक पिंगळे, शिवाजी गडाख, निशिकांत मोगल यांनी भेट देत दर्शन घेतले. यात्रोत्सव शांततेत पार पाडण्यासाठी सरपंच व ग्रामपालिका चांदोरी, भैरवनाथ महाराज पंच कमिटी यांच्यासह सहायक पोलिस निरीक्षक पी. वाय. कादरी यांच्या मार्गदर्शनाखाली पोलिस कॉन्स्टेबल किरण ढेकळे, शेवाळे आणि शिंदे यांनी बंदोबस्त ठेवला होता.

हेही वाचा : What Is Moksha: ‘अण्णा तुमच्या गुरूला मिळाला का मोक्ष?’

ग्रामपालिकेचे नेटके नियोजन

चांदोरी ग्रामपालिकेतर्फे यात्रेकरूंसाठी पाणी व दिवाबत्तीची सोय केली होती. चांदोरी गावांतर्गत रस्त्यावर मुरूम टाकत खड्डे बुजविल्याने भाविकांची गैरसोय टळली. गर्दी टाळण्यासाठी यात्रा परिसरात वाहनांना बंदी होती. सायखेडा पोलिसांनी कडेकोट बंदोबस्त ठेवल्याने भाविकांना व्यवस्थित दर्शन घेता आले.

कावड बक्षीसे

प्रथम : स्वराज सुजित भोज, द्वितीय : स्वप्नील कोरडे, तृतीय : वेदांत कोटमे. उत्तेजनार्थ : राजेंद्र पवार, यश गायखे, रुद्र लोंढे

यांचा झाला सत्कार

शिवाजी पा. गडाख, विनायक खरात, सौ मोनिका टर्ले, रघुनाथ टर्ले, अनिल भोर, कु. कल्याणी आहेर, कु. कांचन टर्ले, हृषिकेश सावंत, कु. विद्या खेलुकर, आकाश कोटमे, भूषण गडाख, पी. वाय. कादरी (सहायक पोलिस निरीक्षक), विशाल मोरे (अभियंता).