सिडको (नाशिक) : व्हॉट्सअप-फेसबुक हॅक (facebook account haked) करून पैसे मागण्याचा प्रकार आता दिवसेंदिवस वाढू लागला आहे. परंतु एखाद्या लोकप्रतिनिधीचे अकाउंट हॅक करून त्याद्वारे पैसे मागण्याचा प्रकार प्रथमच सिडको (cidco) परिसरात घडला असून त्यामागे राजकीय द्वेष असल्याचे स्पष्टीकरण संबंधित नगरसेवकांने केला आहे. या प्रकारामुळे सिडकोतील राजकारण चांगलेच तापले आहे.

पैशांची मागणी होत असल्याचा प्रकार

भारतीय जनता पक्षाचे नगरसेवक मुकेश शहाणे हे सध्या बंगलोर येथे काही कामानिमित्त गेले आहे. त्या संधीचा फायदा घेऊन कुणीतरी त्यांचे फेसबुक अकाउंट हॅक केले आहे. या फेसबुक अकाउंट वरून संबंधित मित्रपरिवारा कडे पैशांची मागणी होत असल्याचा प्रकार समोर येताच मुकेश शहाणे यांनी दैनिक सकाळशी संवाद साधून सदर प्रकरण व्हॉट्सअप-फेसबुक हॅक (facebook account haked) करून पैसे मागण्याचा प्रकार आता दिवसेंदिवस वाढू लागला आहे. परंतु एखाद्या लोकप्रतिनिधीचे अकाउंट हॅक करून त्याद्वारे पैसे मागण्याचा प्रकार प्रथमच सिडको (cidco) परिसरात घडला. राजकीय व्देषापोटी होत असून मला बदनाम करण्याचा प्रकार असल्याचा आरोप त्यांनी केला आहे. यासंदर्भात सायबर क्राईम कडे तक्रार दाखल करणार असून संबंधितांची चौकशी करून न्याय मिळावा अशी मागणी त्यांनी केली आहे.

नगरसेवक शहाणेंची पोस्ट...

''राजकीय द्वेषापोटी व मला बदनाम करण्याच्या हेतूने माझे फेसबुक अकाउंट हॅक करण्यात आले असून त्याद्वारे माझ्या मित्र परिवाराकडून पैशांची मागणी त्याद्वारे करण्यात येत असल्याचा आरोप भारतीय जनता पक्षाचे नगरसेवक मुकेश शहाणे यांनी केला आहे. याबाबत सायबर क्राइमला तक्रार दाखल करणार असल्याचेही त्यांनी सांगितले.''