बोगस दिव्यांगत्व प्रकरणी
अखेर कारवाईचे आश्वासन
प्रशासनाकडून पत्र; शिक्षकांचे उपोषण मागे
सकाळ वृत्तसेवा
जळगाव, ता. १७ : जिल्हा परिषदेच्या विविध विभागांतर्गत दिव्यांग कर्मचारी कार्यरत असून अनेक कर्मचाऱ्यांनी बोगस दिव्यांग प्रमाणपत्र काढून शासनाचे विविध लाभ घेतला आहे. अशा बोगस दिव्यांग कर्मचाऱ्यांवर कारवाई संदर्भात केलेल्या मागणीवर जिल्हा परिषद प्रशासनाकडून कारवाई करण्यासंदर्भात आश्वासन दिल्यानंतर आज (ता.१७) सायंकाळी दिव्यांग शिक्षकांनी उपोषण मागे घेतले आहे.
बोगस दिव्यांग प्रकरणात कारवाईबाबत जिल्हा परिषद प्रशासनाकडून दिरंगाई होत असल्याने दिव्यांग शिक्षक रवींद्र सोनवणे व पांडुरंग चौधरी यांनी सोमवारपासून (ता.१६) जिल्हा परिषदेसमोर बेमुदत उपोषणाला सुरवात केली होती. आजच्या दुसऱ्या दिवशी देखील शिक्षकांनी उपोषण सुरूच ठेवले होते. मात्र दुपारी सामान्य प्रशासन विभागातील अधिकारी व प्राथमिक शिक्षणाधिकारी नीलेश पाटील यांनी उपोषणस्थळी भेट देऊन उपोषणकर्ते शिक्षकांच्या मागण्यांबाबत चर्चा केली.
उपोषण मागे
दरम्यान, जिल्हा परिषद प्रशासनाकडून बोगस दिव्यांग कर्मचाऱ्यांवर कारवाई करण्याची प्रमुख मागणी शिक्षकांची होती. त्यानुसार न्यायालयाच्या आदेशानुसार बोगस दिव्यांग आढळून आलेल्या कर्मचाऱ्यांवर कारवाई करण्याबाबत सामान्य प्रशासन विभागाकडून आश्वासन देण्यात आले.
चौकट
...अन्यथा पुन्हा आंदोलन
कारवाईबाबतचे पत्र देखील उपोषणकर्त्या शिक्षकांना दिले. यानंतर रवींद्र सोनवणे व पांडुरंग चौधरी यांनी उपोषण मागे घेतले. दरम्यान दहा दिवसात प्रशासनाकडून कारवाई झाली नाही. तर पुन्हा उपोषणास बसण्याचा इशारा शिक्षकांनी दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.