नाशिक : नाशिकच्या वॉक्हार्ट हॉस्पीटलमध्ये (nashik walkhart hospital) डिपॉझिट मिळावं म्हणून अंगावरील कपडे काढून अर्धनग्न आंदालन करणारे आम आदमी पार्टीचे पदाधिकारी जितेंद्र भावे, व रुग्णाचे नातेवाईक अमोल जाधव यांच्याविरूध्द अखेर मुंबई नाका पोलीस ठाण्यात गुन्हा नोंदविण्यात आला आहे. यापूर्वीही सामाजिक कार्यकर्ते जितेंद्र भावे (jitendra bhave) यांच्या विरोधात सरकारवाडा पोलिस ठाण्यात गुन्हा दाखल आहे

तब्बल दहा दिवसांनी गुन्हा दाखल

नाशिकमधील आम आदमी पार्टीचे राज्य प्रवक्ते जितेंद्र भावे यांच्यावर अखेर गुन्हा दाखल झाला आहे. व्होकार्ट हॉस्पिटलमध्ये अर्धनग्न आंदोलन केल्याप्रकरणी तब्बल 10 दिवसांनी मुंबई नाका पोलिसांत गुन्ह्याची नोंद करण्यात आली आहे. 25 मे रोजी आंदोलन केल्यानंतर पोलिसांनी भावेंना ताब्यात घेतलं होतं. समज देऊन पोलिसांनी करावाई न करताच त्यांना सोडून दिलं होतं. परंतु आंदोलनाप्रकरणी गुन्हा दाखल करण्यास तब्बल 10 दिवस का लागले हा प्रश्न उपस्थित होत आहे.