Nashik News : देवरगाव (ता. चांदवड) येथे १४ वर्षीय बालकाचा शेततळ्यात पाय घसरून पाण्यात बुडून मृत्यू झाल्याची घटना सुभाष क्षीरसागर यांच्या शेतात नुकतीच घडली. जय लक्ष्मण क्षीरसागर असे मृत मुलाचे नाव आहे. (Child dies after falling in farm pond Nashik News)

हेही वाचा : Credit Card फसवणूक....काय घ्याल काळजी?

सुभाष क्षीरसागर हे शेततळ्यावर पाण्याची मोटर चालू करण्यासाठी गेले होते. शेततळ्यात किती पाणी आहे हे पाहण्यासाठी सुभाष क्षीरसागर यांनी शेततळ्यात बघितले असता त्यांना शेततळ्यांमध्ये पाण्यावर तीन दिवसांपूर्वी बेपत्ता असलेला त्यांचा गतिमंद पुतण्या पाण्यावर तरंगताना दिसला.

सुभाष क्षीरसागर यांनी वडनेर भैरव पोलिस ठाण्यात माहिती दिली. घटनास्थळी पोलिसांनी पंचनामा केला. जय क्षीरसागर हा तीन दिवसापासून बेपत्ता होता. त्याचा शेततळ्यात पाय घसरून बुडून त्याचा मृत्यू झाला. याबाबत वडनेर भैरव पोलिस ठाण्यात अकस्मात मृत्यूची नोंद झाली. पुढील तपास जे. टी. मोरे करीत आहेत.