नांदगाव (जि. नाशिक) : शेतजमिनीच्या सातबारा (farm field satbara) उताऱ्यावर वारसाचे नाव लावण्यासाठी पाच हजारांची लाच (Bribe) मागणाऱ्या नांदगाव येथील शहर तलाठी युवराज मासाळे यांना लाचलुचपत प्रतिबंधक पथकाने (Bribery Department) मुद्देमालासह पकडले. (City Talathi arrested for taking bribe Nashik Crime News)

तक्रारदाराने नांदगाव येथील तलाठी युवराज मासाळे यांच्याकडे शेतजमिनीच्या सातबारा उताऱ्यावर नाव लावण्यासाठी अर्ज केला होता. मात्र, तलाठी मासाळे यांनी यासाठी त्यांच्याकडे पाच हजारांची मागणी केली व दोन हजार रुपये आगाऊ देण्याचे ठरले. तक्रारदाराने नाशिक येथील लाचलुचपत प्रतिबंधक विभागाकडे तक्रार दिली. त्यानुसार सोमवारी (ता. १३) दुपारी तीनला जुन्या तहसील कार्यालयातील तलाठी कार्यालयात नाशिक येथील पथकाने सापळा रचून तलाठी मासाळे यांना दोन हजारांची लाच घेताना पकडले. या कारवाईत लाचलुचपत प्रतिबंधक विभागाचे उपविभागीय अधिकारी नरेंद्र पवार, हवालदार प्रकाश डोंगरे, पोलिस नाईक प्रणय इंगळे सहभागी झाले होते.