Nashik News : जिल्हा रुग्णालयाच्या नर्सिंग महाविद्यालयातील प्रशिक्षणार्थी परिचारिकेने कपडे धुण्याची पावडर सेवन करीत आत्महत्येचा प्रयत्न केल्याचा प्रकार समोर आला आहे.

जिल्हा रुग्णालयात तिच्यावर उपचार सुरू असून तिची प्रकृती मध्यम असल्याची नोंद पोलिस चौकीत आहे. या प्रकरणी सरकारवाडा पोलिसात नोंद करण्यात आलेली आहे. (civil hospital trainee nurse suicide attempt by eatin washing soda Nashik News)

हेही वाचा : संतुलित आहारातून रोखा फॅटी लिव्हरचा आजार

प्रार्थना निवृत्ती कोल्हे (२०) असे प्रशिक्षणार्थी परिचारिकेचे नाव आहे. जिल्हा शासकीय रुग्णालयाच्या परिसरात नर्सिंग महाविद्यालयाचे वसतिगृह आहे. प्रार्थना हिने मंगळवारी (ता.२) सायंकाळी कपडे धुण्याच्या पावडरीचे सेवन केले होते.

तिला बुधवारी (ता.३) दुपारी चार वाजेच्या सुमारास त्रास होऊ लागला. तिच्या वडिलांना माहिती मिळताच त्यांनी तिला जिल्हा रुग्णालयात दाखल केले. तिने आत्महत्येचा प्रयत्न केला की अन्य काही कारणाने तिने पावडरचे सेवन केले याचा तपास पोलिस चौकशीतून समोर येईल.

दरम्यान, या घटनेमुळे जिल्हा रुग्णालयात उलटसुलट चर्चा सुरू असून, प्रशिक्षणार्थी परिचारिकेने तणावातून आत्महत्या करण्याचा प्रयत्न केला असावा का अशी शंका उपस्थित करण्यात येत आहे.