नाशिक : राज्याचे मुख्यमंत्री उध्दव ठाकरे यांचा नियोजित दौरा मुंबईतील अतिवृष्टीमुळे पुढे ढकलण्यात आल्यानंतर आता येत्या रविवारी (ता. ९) नियोजन करण्यात आल्याची माहिती सुत्रांनी दिली. शासकीय दौरा निश्‍चित नसला तरी महापालिका व जिल्हा प्रशासनाने दौऱ्याच्या निमित्ताने अहवालाची तयारी केली आहे.

नाशिक शहरात कोरोनाचा प्रादुर्भाव वाढत असल्याच्या पार्श्‍वभूमीवर माहिती घेण्यासाठी मुख्यमंत्री ठाकरे यांचा दौरा आहे. मुंबई, पुणे, औरंगाबाद, नागपूर पाठोपाठ नाशिक मध्ये बारा हजार कोरोना रुग्णांचा आकडा पोहोचल्याने नाशिक कोरोना हॉटस्पॉटच्या यादी मध्ये आले आहे. पालकमंत्री छगन भुजबळ सातत्याने बैठका घेवून प्रशासनाला कोरोना नियंत्रणासाठी सुचना करत आहेत. गेल्या आठवड्यात खासदार शरद पवार यांनी आरोग्य मंत्री राजेश टोपे यांच्यासह नाशिक शहरातील कोरोना परिस्थीतीचा आढावा घेतला होता. त्यापाठोपाठ आता मुख्यमंत्री दौयाची तयारी सुरु झाली आहे. 

हेही वाचा : दुर्दैवी! खर्च करूनही हाती काहीच नाही; विवंचनेने ग्रासलेल्या शेतकऱ्याची अखेर हिम्मत सुटलीच

मुख्यमत्री ठाकरे यांनी पुणे येथे दौरा केला आहे. त्यानंतर नाशिक व औरंगाबाद दौऱ्याचे नियोजन होते. त्यानुसार महापालका व जिल्हा प्रशासनाने तयारी केली होती. गुरुवारी (ता. ६) दौऱ्याचे नियोजन होते परंतू मुंबईत मुसळधार पाऊस असल्याने रविवारी हा दौरा होणार असल्याची माहिती सुत्रांनी दिली. 

रिपोर्ट - विक्रांत मते

संपादन - रोहित कणसे