नाशिक : कोरोनाची दुसरी लाट (corona second wave) ओसरण्याची चिन्हे दिसतं असली तरी तिसरी लाट पहिल्या दोन कोरोना संसर्गाच्या (coronavirus) लाटांपेक्षा भयानक असेल अशी भिती व्यक्त केली जात आहे. त्यातही लहान मुलांना (children) अधिक बाधित करणार असल्याचे संकेत मिळतं असल्याने त्यापार्श्‍वभूमीवर महापालिकेकडून काही नियोजन करण्यात आल्याची माहिती महापालिका आय़ुक्तांनी दिली. कशाप्रकारे असेल हे नियोजन..(Covid Hospital beds arrangement for children nashik marathi news)

कोरोनाची तिसरी लाट लहान मुलांना अधिक बाधित करण्याची शक्यता

कोरोना संसर्गाची पहिली लाट एप्रिल महिन्यात आली होती. त्यानंतर टप्प्याटप्प्याने कोरोना संसर्गाचा वेग वाढला. सप्टेंबर व ऑक्टोंबर हे दोन महिने मागील वर्षी हॉट ठरले होते. त्यानंतर कोरोनाची लाट ओसरत गेली. जानेवारी महिन्यात कोरोना संसर्ग आहे कि नाही अशी परिस्थिती होती. त्यानंतर मात्र फेब्रुवारी महिन्याच्या अखेर पासून कोरोना संसर्गाची दुसरी लाट आली. मार्च महिन्यात गेल्या वर्षाच्या तुलनेत तिप्पट कोरोना बाधित रुग्ण आढळून आले. कोरोनाच्या दुसया लाटेचा सामना करताना महापालिकेने दिड हजारांहून अधिक बेडचे नियोजन केले. कोरोनाची तिसरी लाट लहान मुलांना अधिक बाधित करणार असल्याचे संकेत मिळतं असल्याने त्यापार्श्‍वभूमीवरमहापालिकेच्या वतीने लहान मुलांसाठी शंभर बेडचे कोव्हीड सेंटर उभारले जाणार आहे. अशी माहिती महापालिका आयुक्त कैलास जाधव यांनी दिली

तिसऱ्या लाटेचा सामना करण्यासाठी महापालिकेची तयारी

.समाजकल्याण, मेरी वसतीगृह, ठक्कर डोम येथे कोव्हिड सेंटर उभारले तर नवीन बिटको व डॉ. जाकीर हुसेन रुग्णालयात ऑक्सिजन व व्हेन्टीलेटर बेडची संख्या वाढविण्यात आली. आता दुसरी लाट किंचित ओसरतं असताना शासनाकडून प्राप्त सुचनांनुसार तिसया लाटेचा सामना करण्यासाठी महापालिकेने तयारी सुरु केली आहे.

संबंधित विभागांना सूचना

अंबड एमआयडीसी, ठक्कर डोम व संभाजी स्टेडीअम येथील तिनही कोव्हीड सेंटर मध्ये प्रत्येकी पाचशे ऑक्सिजन बेड, साडे बाराशे ऑक्सिजन कॉन्स्ट्रेटर उपलब्ध करून देणे, पन्नास पेक्षा अधिक खाटा असलेल्या रुग्णालयांमध्ये ऑक्सिजन प्लान्ट उभारणे, महापालिकेचा अधिकाधिक निधी कोव्हीड कामासाठी खर्च करणे आदी उपाययोजनांचा समावेश आहे. तिसया लाटेच्या तयारीचा भाग म्हणून आता लहान मुलांवर कोव्हीड उपाययोजना करण्यासाठी शंभर बेडचे रुग्णालय उभारण्याचा निर्णय घेण्यात आला आहे. कोरोनाच्या अनुशंगाने साधनसामग्री व मनुष्यबळाचे नियोजन करण्याच्या दृष्टीने संबंधित विभागांना सूचना देण्यात आल्या.

टप्प्याटप्प्याने १०० बेडची व्यवस्था

कोरोनाची तिसरी संभावित लाट लक्षात घेता लहान मुले प्रभावीत झाल्यास त्यांच्यावर उपचार करण्यासाठी स्वतंत्र कोविड रुग्णालय सुरू करण्याचे नियोजन सुरु करण्यात आले आहे. नाशिकरोड येथील नवीन बिटको रुग्णालयात टप्प्याटप्प्याने १०० बेड करण्याची व्यवस्था केली जाणार आहे.- कैलास जाधव, आयुक्त, महापालिका.