Dada Bhuse : ठाणे-वडपे रस्ता २१ किलोमीटर लांबीचा असून महाराष्ट्र राज्य रस्ते विकास महामंडळाच्या माध्यमातून रस्त्याचे काम ३० टक्के पूर्ण झाले आहे.

रस्त्याच्या आठपदरीचे काम ऑगस्ट २०२४ पर्यंत पूर्ण होईल, अशी माहिती सार्वजनिक बांधकाममंत्री दादा भुसे यांनी आज दिले. (Dada Bhuse statement about 30 percent work of Thane Vadape road completed nashik news)

विधीमंडळाच्या अधिवेशनात भिवंडीचे आमदार रईस शेख यांनी नाशिक महामार्गावरील वाहतूक कोंडी मोठ्याप्रमाणात होत असून आठपदरी रस्ता कधीपर्यंत होणार? या उपस्थित केलेल्या प्रश्‍नाला श्री. भुसे यांनी उत्तर दिले.

श्री. भुसे म्हणाले, की भिवंडीच्या या रस्त्यात मोठ्याप्रमाणात गुदाम आहेत. त्यामुळे मोठ्याप्रमाणात अवजड वाहनांची देशात वाहतूक होत असल्याने वाहनांच्या रांगा लागत असतात. कामाच्या ठिकाणी मी स्वतः जाऊन पाहणी केली.

हेही वाचा : Credit Card फसवणूक....काय घ्याल काळजी?

रस्त्याच्या डागडुजीच्या सूचना दिल्या आहेत. २१ किलोमीटर अंतरावर ५० कट होते. ते बंद केले आहेत. वाहतूक नियंत्रण करण्यासाठी पोलिसांच्या मदतीला १ हजार वाहतूक वॉर्डन पुरवण्याचा निर्णय घेतला.

क्रेन, गस्ती पथक तयार करण्यात आले आहेत. अवजड वाहनांना वेळ मर्यादा ठरविण्यात येईल. तसेच लहान वाहनांना स्वतंत्र लेन उपलब्ध करून दिली जाईल, असेही त्यांनी सांगितले.