नाशिक : रेमडेसिव्हिरचा तुटवडा लक्षात घेता, शासकीय निकषांद्वारे आवश्यक रुग्णांपर्यंत थेट कोविड रुग्णालयांना इंजेक्शन पुरविले जात आहे. त्यासाठी रुग्णालयांनी ई- मेलवर मागणी नोंदवायची आहे. परंतु ई-मेलचा संदेश व्हायरल झाल्याने थेट सुमारे चार हजार नागरिकांनीच या ई-मेलद्वारे इंजेक्शनची मागणी नोंदविली आहे. या अजब प्रकारामुळे नियंत्रण कक्षावरील ताण मात्र वाढला आहे.
रेमडेसिव्हिरसाठी मागणीचा पाऊस
जिल्हा प्रशासनाने जारी केलेल्या प्रणालीनुसार थेट कोविड रुग्णालयांना रेमडेसिव्हिर इंजेक्शन उपलब्ध करून दिले जात आहे. त्याकरिता संबंधित रुग्णालयांनी रोज सकाळी नऊपर्यंत संभाव्य इंजेक्शनबाबत विहित नमुन्यात मागणी नोंदविण्याचे आवाहन केले होते. रुग्णालयांसोबत सर्वसामान्यांनीदेखील या ई-मेलवर मागणी नोंदविल्याने यंत्रणेवरील ताण वाढला आहे. रुग्णांच्या नातेवाइकांनी परस्पर वैयक्तिक स्वरूपातील मागणीचा ई-मेल पाठविल्यामुळे नियंत्रण कक्षाचा वेळ वाया जात आहे. वैयक्तिक स्तरावर इंजेक्शन उपलब्ध करून दिले जाणार नसल्याचे यापूर्वीच जिल्हा प्रशासनाने स्पष्ट केले आहे. त्यामुळे वैयक्तिक स्वरूपाचे ई-मेल न पाठविण्याचे घटना व्यवस्थापक तहसीलदार शिवकुमार आवळकंठे यांनी कळविले आहे.
नियंत्रण कक्षावर वाढला ताण : रुग्णालयांना मागणीच्या सूचना
रेमडेसिव्हिर मागणीसाठी जारी केलेला ई-मेल हा केवळ रुग्णालयांकरिता आहे. वैयक्तिक स्तरावर रुग्णांच्या नातेवाइकांचे चार हजारांहून अधिक ई-मेल आले असून, हे अपेक्षित नाही. यामुळे कक्षाचा वेळ जात आहे. रुग्ण किंवा त्यांच्या नातेवाइकांनी ई-मेलद्वारे मागणी करू नये, वैयक्तिक स्तरावर कुणालाही इंजेक्शन दिले जाणार नसल्याची नोंद घ्यावी.
- सूरज मांढरे, जिल्हाधिकारी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.