Diploma Admission : केंद्र शासनाच्या भारतीय तंत्रविज्ञान संस्थेतील २०२३-२४ या शैक्षणिक सत्रासाठी तीन वर्षीय (सहासत्रीय) हातमाग व वस्त्रोद्योग तंत्रविज्ञान पदविका अभ्यासक्रमाच्या प्रवेशाची प्रक्रिया सुरु आहे.

इच्‍छुक विद्यार्थ्यांनी २० जूनपर्यंत अर्ज करण्याचे आवाहन वस्त्रोद्योग विभागाचे आयुक्त एम. जे. प्रदीप चंदन यांनी केले आहे. (Diploma Admission Deadline till June 20 for Diploma in Handloom Textile Technology nasihk news)

केंद्र शासनाच्या भारतीय तंत्रविज्ञान संस्थेतील २०२३-२४ या शैक्षणिक सत्रासाठी तीन वर्षीय (सहासत्रीय) हातमाग व वस्त्रोद्योग तंत्रविज्ञान पदविका अभ्यासक्रमाच्या प्रथम व द्वितीय सत्रासाठी ओडिसा येथील आयआयएचटी बरगढ व वेंकटगिरी येथे प्रवेश सुरू आहेत.

आयआयएचटी बरगढ येथे चौदा आणि वेंकटगिरी येथे दोन जागांच्या प्रवेशासाठी पात्र उमेदवारांची निवड केली जाणार आहे. यासाठी प्रादेशिक उपआयुक्त वस्त्रोद्योग, नागपूर, सोलापूर, मुंबई, औरंगाबाद यांच्यामार्फत २० जूनपर्यंत विहित नमुन्यात प्रवेश अर्ज मागविले आहेत.

उमेदवारांसाठी अधिक माहिती व अर्जाचा नमुना https://www.dirtexmah.gov.in या संकेतस्थळावर उपलब्‍ध केला आहे. तसेच सर्व प्रादेशिक उपायुक्त, वस्त्रोद्योग यांच्या कार्यालयात उपलब्ध आहे. अधिक माहितीसाठी rddtextiles3mumbai@rediffmail.com या ई-मेलवर किंवा ०२२-२३७००६११ या कार्यालयाच्या दूरध्वनीवर संपर्क साधावा, असे एम. जे. प्रदीप चंदन यांनी सांगितले.