नाशिक : अंबड शिवारातील चुंचाळे घरकुलमध्ये सुरू असलेल्या लग्नाच्या हळदीच्या कार्यक्रमात नाचण्यावरून एकाला मारहाण करण्यात आल्याचा प्रकार घडला. रागाच्या
भरात त्याने समोर पडलेला दगड उचलून त्याने समोरच्या व्यक्तीच्या डोक्यात टाकून दुखापत केली. याप्रकरणी अंबड पोलिसात गुन्हा दाखल करण्यात आला.
अशी घडली घटना
शंकर बाबू कापसे, बाळू विश्वनाथ पवार, अर्जून विश्वनाथ पवार, निलेश फुलारे ( सर्व रा. चुंचाळे घरकुल योजना, अंबड) असे संशयितांची नावे आहेत. राजेश सोमनाथ पवार (रा. इंदिरानगर झोपडपट्टी, वाडिवऱ्हे, ता. इगतपुरी) या युवकाच्या फिर्यादीनुसार, तो गेल्या 13 फेब्रुवारी रोजी अंबडमधील चुंचाळे घरकुल येथे प्रभु कापसे यांच्या मुलीच्या विवाहाच्या हळदीच्या कार्यक्रमासाठी आला होता. त्यावेळी तो नाचत असतांना संशयितांनी त्यास धक्का दिला. धक्का दिल्याचा जाब संशयितांना विचारला असता, संशयित शंकर व बाबू कापसे यांनी त्यास शिवीगाळ केली तर, अर्जून व निलेश यांनी त्याच्या डोक्यात दगड मारून दुखापत केली.
याप्रकरणी अंबड पोलिसात गुन्हा दाखल करण्यात आला असून सहाय्यक निरीक्षक बेडवाल हे तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.