Nashik NAMO Chashak : खेलो भारतच्या माध्यमातून भारत देश जगात खेळाच्या क्षेत्रातही महासत्तेकडे वाटचाल करत आहे.

राष्ट्रीय व आंतरराष्ट्रीय पातळीवर खेळाचे महत्त्व वाढत असताना स्थानिक पातळीवरही प्रत्येकामध्ये क्रीडा भावना रुजत आहे. (Dr Rahul Ranalkar statement of Production of International Players from Namo chashak Competition nashik news)

नाशिक मध्यच्या आमदार प्रा. देवयानी फरांदे यांच्या माध्यमातून भरविलेल्या नमो चषक स्पर्धेतूनही राष्ट्रीय व आंतरराष्ट्रीय पातळीवरचे खेळाडू निर्माण होतील, असा विश्वास ‘सकाळ’च्या उत्तर महाराष्ट्र आवृत्तीचे संपादक डॉ. राहुल रनाळकर यांनी व्यक्त केला.

हुतात्मा अनंत कान्हेरे मैदानावर नमो चषक क्रिकेट स्पर्धेचे आयोजन केले असून या स्पर्धेचे उद्घाटन डॉ. रनाळकर यांच्या हस्ते झाले. यावेळी खेळाडूंना मार्गदर्शन करताना ते बोलत होते. पोलिस उपायुक्त किरण चव्हाण, नरेडकोचे सचिव सुनील गवांदे, नाशिक क्रिकेट असोसिएशनचे अध्यक्ष विनोद शहा.

सचिव समीर रकटे, स्पर्धेचे संयोजक सुनील फरांदे, अमोल गांगुर्डे, चंद्रकांत थोरात, नाना सूर्यवंशी, माजी नगरसेविका अर्चना थोरात, संगीता जाधव, तेजश्री काठे, रोहिणी रकटे, सचिन गायकवाड, ऋषिकेश शिरसाट, वसंत उशीर, राजेंद्र यशोध, ॲड. मीनल भोसले, श्याम बडोदे, सचिन पाटील आदी यावेळी उपस्थित होते. पोलिस उपायुक्त चव्हाण यांनी खेळाडूंच्या कला-गुणांना वाव देण्यासाठी स्पर्धा भरविणे आवश्यक असल्याचे सांगताना आमदार फरांदे यांच्या उपक्रमाचे कौतुक केले.