नाशिक : देशात लॉकडाऊन जाहीर केलेला असतांना विविध सेवा प्रभावित झालेल्या आहेत. एरवी घर बसल्या वस्तू उपलब्धतेसाठी नागरीकांकडून ई-कॉमर्सचा वापर केला जात असतांना, या काळात मात्र त्यापासूनही वंचित राहाण्याची वेळ आली आहे. कोरोना संसर्ग रोखण्यासाठी विविध उपाययोजनांची दखल घेत फ्लिपकार्ट, ऍमेझॉन सारख्या दिग्गजांसह अन्य ई-कॉमर्स कंपन्यांनी सेवा स्थगित केली आहे. 

सेवा लॉकडाऊनच्या काळापर्यंत खंडीत करण्याचा निर्णय

भारतीयांकडून ई-कॉमर्स खरेदीचे प्रमाण वाढत आहे. नाशिकसारख्या टीअर दोन शहरांतूनही या कंपन्यांना ग्राहकांचा चांगला प्रतिसाद मिळतांना दिसतो. विशेषत: सेलच्या काळात भरघोस खरेदीचा आनंद ग्राहकांकडून लुटला जात असतो. परंतु गेल्या काही दिवसांत कोरोना विषाणूच्या संसर्गामुळे अन्य विविध उद्योगांसह ई-कॉमर्स क्षेत्रालाही प्रभावित केले आहे. काही दिवसांपूर्वीपर्यंत सुरू असलेली ई-कॉमर्स कंपन्यांची सेवा सद्यस्थितीत खंडीत करण्यात आली आहे. यासंदर्भात फ्लिपकार्ट, ऍमेझॉन सारख्या मोठ्या ई-कॉमर्स कंपन्यांनी आपल्या सेवा लॉकडाऊनच्या काळापर्यंत खंडीत करण्याचा निर्णय घेतला आहे. तसा संदेश या कंपन्यांनी आपल्या संकेतस्थळावरही जारी केलेला आहे. त्यामूळे लॉक-डाऊनमुळे आधीच घरी बसून असलेल्या नागरीकांना आपली ऑनलाईन वस्तू खरेदीची हौस पूर्ण करण्यास अडथळा निर्माण झालेला आहे. 

हेही वाचा > नाशिककर अन्‌ मुंबईकरांना मिळणार 'चिकन - अंडी'!...भुजबळांमुळे प्रश्‍न मार्गी

फूड डिलेव्हरी सेवाही खंडीत 

विविध कंपन्यांकडून घरपोहोच खाद्य पदार्थ पोहच करण्याची सुविधा उपलब्ध करून दिलेली आहे. त्यास प्रतिसाद ही दिवसेंदिवस वाढत आहे. मात्र लॉक-डाऊनमुळे बहुतांश सर्वच हॉटेल्स बंद असल्याने तसेच रस्त्यावर नागरीकांना फिरण्यास मनाई असल्याने खाद्यपदार्थ उपलब्धता व पोहच करणाऱ्या मनुष्यबळाअभावी फूड डिलेव्हरी सेवाही खंडीत केली आहे.  

हेही वाचा > COVID-19 : ''लेकरं घरी वाट बघताय आम्हाला घरी जायचंय!''...पोटा पाण्यासाठी आले अन् अडकून पडले