Engineering Admission : बारावीनंतर अभियांत्रिकी शाखेच्‍या प्रथम वर्ष पदवीच्‍या प्रवेशाचे सविस्तर वेळापत्रक प्रसिद्ध झाले आहे. त्‍यानुसार २० जुलैपासून पहिल्‍या कॅप राउंडच्‍या प्रक्रियेला सुरवात होणार आहे. तत्‍पूर्वी गुणवत्ता यादी प्रसिद्ध करण्याची प्रक्रिया पार पडेल.

अभियांत्रिकीच्‍या प्रवेशासाठी नोंदणीची मुदत वेळोवेळी वाढवून दिलेली होती. मंगळवारी (ता.११) वाढीव मुदत संपल्‍यानंतर प्रवेशाचे सविस्‍तर वेळापत्रक प्रसिद्ध करण्यात आले आहे. त्‍यानुसार तात्‍पुरती गुणवत्ता यादी शुक्रवारी (ता. १४) प्रसिद्ध केली जाईल. (Engineering cap round starts from 20th July nashik)

हेही वाचा : Credit Card फसवणूक....काय घ्याल काळजी?

यादीबाबत तक्रार, हरकती नोंदविण्यासाठी १५ ते १७ जुलै अशी मुदत दिली जाणार आहे. अंतिम गुणवत्ता यादी १९ जुलैला प्रसिद्ध केली जाईल. यानंतर पहिल्‍या कॅप राउंडमध्ये सहभागासाठी नोंदणीची मुदत २० ते २२ जुलै अशी असेल.

२५ जुलैला वाटप यादी प्रसिद्ध केली जाणार असून, विद्यार्थ्यांना प्रवेशासाठी २६ ते २८ जुलै अशी मुदत दिली जाणार आहे. दुसऱ्या कॅप राउंडकरिता नोंदणीची मुदत ३० जुलै ते १ ऑगस्‍ट अशी असेल. या फेरीसाठी निवड यादी ३ ऑगस्‍टला प्रसिद्ध केली जाणार असून, प्रवेश घेण्यासाठी ४ ते ६ ऑगस्‍टदरम्‍यान मुदत दिली जाणार आहे.

तिसऱ्या कॅप राउंडसाठी नोंदणीची मुदत ८ ते १० ऑगस्‍ट राहणार असून, १२ ऑगस्‍टला वाटप यादी प्रसिद्ध केली जाणार आहे. विद्यार्थ्यांना प्रवेशासाठी १३ ते १६ ऑगस्‍ट अशी मुदत असेल.