नाशिक : खासगी क्षेत्रातील ज्या सुशिक्षित बेरोजगार अभियंत्यांना नोकरीत असल्याने किंवा इतर कोणत्याही कारणाने दहा वर्षे पूर्ण झाल्यामुळे कंत्राटदार म्हणून नोंदणी/नोंदणी नूतनीकरण करता आलेले नाही, अशा अभियंत्यांना नोंदणीसाठी आता ३१ मार्च २०२१ पर्यंत नोंदणी करता येणार आहे.

मार्च २०२१ अखेर मुदतवाढ

अभियंत्यांना २१ मार्च २०२० पर्यंत नोंदणी/नोंदणी नूतनीकरणासाठी विशेष मुदतवाढ देण्यात आली होती. मात्र कोविडमुळे अनेक अभियंत्यांना त्याचा लाभ मिळाला नाही. हा प्रश्न प्रशासकीय गुंत्यात अडकला होता. महाराष्ट्र इंजिनिअर असोसिएशन संघटनेचे राज्य महासचिव संजय शिंदे यांनी सार्वजनिक बांधकाम खात्याचे सचिव किशोरराजे निंबाळकर यांना व्हॉट्सॲपवरून तक्रार मांडली. त्यांनी त्याची दखल घेत पुन्हा अशा नोंदणी/नूतनीकरण करण्यापासून वंचित राहिलेल्या अभियंत्यांना मार्च २०२१ अखेर मुदतवाढ दिली. अशा सुशिक्षित बेरोजगार अभियंत्यांना याचा लाभ घेता येईल, असे आवाहन महाराष्ट्र इंजिनिअर्स असोसिएशनतर्फे महासचिव संजय शिंदे यांनी केले. 

हेही वाचा > सिनेस्टाईल थरार! पोलिसांची चाहूल लागताच रिक्षाचालकाने ठोकली धूम; अखेर संशय खरा ठरला

हेही वाचा > विवाह समारंभाला आलेल्या कुटुंबियांना बनविला निशाणा! दहा लाखांहून अधिक ऐवज लंपास