नाशिक : तीन महिन्यांपासून लहान मुले दिवसभर घरीच आहेत. मित्र-मैत्रिणींसोबत भेट होत नसल्याने आणि मैदानी खेळ कमी झाल्याने मुले मोबाईलला चिकटून आहेत. या काळात मुले तासन्‌तास कोणाशी न बोलता मोबाईलचा वापर करीत असून, त्याचा वाईट परिणाम होतोय असे जाणकारांचे म्हणणे आहे.

चिमुरडे एकलकोंडे होण्याची भीती..जाणकार म्हणतात...

शाळा बंद असल्याने तीन महिन्यांपासून लहान मुले दिवसभर घरीच आहेत. मित्र-मैत्रिणींसोबत भेट होत नसल्याने आणि मैदानी खेळ कमी झाल्याने मुले मोबाईलला चिकटून आहेत. या काळात मुले तासन्‌तास कोणाशी न बोलता मोबाईलचा वापर करीत असून, त्याचा वाईट परिणाम त्यांचा मानसिकतेवर होत आहे. याबरोबरच त्यांच्या चिडचिडेपणा, नैराश्‍यही वाढले आहे. 
लॉकडाउनमुळे घरी थांबून दिवसभर काय करावे, हा मोठा प्रश्‍न सर्वांसमोर निर्माण झाला आहे. घरातील मोठी मंडळी स्वतःला कामात गुंतवून दिवस काढत आहेत. लहान मुले मात्र दिवसभर मोबाईलला चिकटून बसल्याचे चित्र आहे. तासन्‌तास मोबाईलवर गेम खेळणे, कार्टून बघणे, आपल्या आवडीची गाणे ऐकणे आदी प्रकार करीत आहेत. जवळपास सर्वच बालकांना मोबाईलचे व्यसन जडले असून, याचा वाईट परिणाम त्यांच्यावर होत आहे. 

एकाग्रतेवर परिणाम 
मोबाईल फोनच्या अतिवापरामुळे मुले एकलकोंडी होत आहेच, सोबतच त्यांच्या एकाग्रतेवरही परिणाम होत आहे. मुलांनी घरात बैठे खेळ खेळावे, बौद्धिक क्षमता वाढेल अशी पुस्तके वाचावित, असे आवाहन मानसोपचारतज्ज्ञ करीत आहेत. पालकांनीही दिवसभर आपले पाल्य काय करीत आहे, याकडे लक्ष देणे गरजेचे आहे. नेहमी मुलांना शाळा नकोशी वाटत असली तरीही लॉकडाउनमध्ये मुले शाळेला अधिक "मिस' करत आहेत. शाळेतील मित्र-मैत्रिणींची भेट होत नसल्याने एकटेपणाची भावना अधिक वाढली आहे. 

लॉकडाउनमध्ये मुलांमध्ये एकलकोंडेपणा वाढला आहे. चिडचिड आणि नैराश्‍यही वाढले आहे. मुलांना यापासून दूर ठेवण्यासाठी पालकांनी मुलांना विशेष वेळ देणे गरजेचे आहे. त्यांच्यातील एकटेपणाची भावना काढणे गरजेचे आहे. -डॉ. जयंत ढाके, मानसोपचारतज्ज्ञ 

रिपोर्टर- गायत्री जेऊघाले

(संपादन - ज्योती देवरे)