नाशिक / मालेगाव :  जमाव अल्लामा एक्‍बाल पुलाकडे चाल करून गेला. त्यांनी कंटेन्मेंट क्षेत्रात जीवनावश्‍यक वस्तू नाही, आम्हाला खरेदीला तिकडे जाऊ द्या, असे म्हणत पुलावरील बॅरिकेडिंग तोडले. पोलिसांवर हल्ल्याचा प्रयत्न करीत खुर्च्यांची तोडफोड केली. टाकाऊ वस्तूंची फेकाफेक सुरू केली. अन् मग...

आम्हाला खरेदीला तिकडे जाऊ द्या, म्हणत पुलावरील बॅरिकेडिंग तोडले.

अय्युबी खैबान निशांत चौकात वस्तू खरेदीच्या वादातून पोलिसांशी हुज्जत घातली. सूचना देणारा माईक हिसकावून घेत गोंधळ घातल्याबद्दल अकील कसाई, शहजाद अहमद आदींसह सुमारे शंभर जणांविरुद्ध उपनिरीक्षक विजय गोपाळ यांच्या तक्रारीवरून किल्ला पोलिस ठाण्यात गुन्हा दाखल झाला आहे. यातील काही जमाव अल्लामा एक्‍बाल पुलाकडे चाल करून गेला. त्यांनी कंटेन्मेंट क्षेत्रात जीवनावश्‍यक वस्तू नाही, आम्हाला खरेदीला तिकडे जाऊ द्या, असे म्हणत पुलावरील बॅरिकेडिंग तोडले. पोलिसांवर हल्ल्याचा प्रयत्न करीत खुर्च्यांची तोडफोड केली. टाकाऊ वस्तूंची फेकाफेक सुरू केली. याप्रकरणी पोलिस शिपाई शांतिलाल जगताप यांच्या तक्रारीवरून 30 अनोळखींविरुद्ध छावणी पोलिस ठाण्यात गुन्हा दाखल झाला आहे. दोन्ही ठिकाणी आलेल्या जमावातील बहुसंख्य जणांनी मास्क घातलेले नव्हते. 

हेही वाचा >  मालेगावातील कब्रस्तानांमध्ये एप्रिलमधील दफन मृतांची संख्या थक्क करणारी! मृतांचा आकडा वाढण्याची भिती..

50 जणांविरुद्ध वेगवेगळे गुन्हे दाखल

मालेगाव शहरातील अल्लमा एक्‍बाल पूल व अय्युबी चौकातील गुरुवारी (ता. 23) झालेल्या गोंधळ, धक्काबुक्की व तोडफोडप्रकरणी अकील कसाई, शहजाद अहमद आदींसह सुमारे 50 जणांविरुद्ध छावणी व किल्ला पोलिस ठाण्यात दोन वेगवेगळे गुन्हे दाखल झाले आहेत. दरम्यान, या प्रकारानंतर कायदा हातात घेण्याचा प्रयत्न करणाऱ्यांवर कठोर कारवाई करा. त्यांची गय करू नका, अशा सूचना कृषिमंत्री दादा भुसे यांनी दिल्या.

हेही वाचा > VIDEO : "सावरा..पोलीसांवर धावून गेलात..तर त्याची गय केली जाणार नाही"