नाशिक / वणी : वडील यांचा अपघात होऊन पाय मोडलेला आहे. त्याची आई आजाराने त्रस्त.. त्यांच्यावर सोसायटीचे नऊ लाख रुपये व ऍक्‍सिस बॅंकेचे 35 लाख रुपये कर्ज... लहान बहिणीचे लग्न बाकी.. व घरची सर्व जबाबदारी अंगावर..अशातच तो जीवनाशी झुंज देत होता..पण... 

लहान वयातच जबाबदारी..त्यात आर्थिक विवंचना..

कोशिंबे (ता. दिंडोरी) येथील तरुणाने विष घेऊन आत्महत्या केली. आर्थिक विवंचनेतून आत्महत्या केल्याचा अंदाज आहे. ज्ञानेश्‍वर राजाराम जाधव (वय 22) असे मृत तरुणाचे नाव असून, त्याने राहत्या घराजवळील शेतात रविवारी रात्री काहीतरी विषारी पदार्थ सेवन केल्याचा प्रकार उघडकीस आल्यानंतर त्याला ग्रामीण रुग्णालयात दाखल केले. मात्र उपचारापूर्वीच वैद्यकीय अधिकाऱ्यांनी मृत घोषित केले. वणी पोलिसांत आकस्मिक मृत्यूची नोंद करण्यात आली.

हेही पाहा> VIDEO : मुलाच्या विवाहाचा आनंद..अन् विधानसभा उपाध्यक्षांच्या नृत्याची झलक..एकदा बघाच!

नशीबाशी हार मानली...

ज्ञानेश्‍वरचे वडील राजाराम बाळासाहेब जाधव यांचा अपघात होऊन पाय मोडलेला आहे. त्याच्या आई सुनंदा (वय 44) आजाराने त्रस्त आहेत. त्यांच्यावर राजापूर सोसायटीचे नऊ लाख रुपये व ऍक्‍सिस बॅंकेचे 35 लाख रुपये कर्ज असल्याची माहिती आहे. लहान बहिणीचे लग्न बाकी असल्याने व घरची सर्व जबाबदारी अंगावर पडल्याने त्या आर्थिक विवंचनेतून ज्ञानेश्‍वरने 
आत्महत्या केल्याचे बोलले जाते.

हेही पाहा> ह्रदयद्रावक "...पण पप्पा तर खूप दूर निघून गेले" या वाक्याने सर्वांचेच पाणावले डोळे