एकलहरे : जेलरोड-एकलहरे रस्त्यावरील बोराडे चौकातील भंगार दुकान व त्यामागील गोदमास आज (ता. ८) पहाटेच्या सुमारास आग लागली. परिसरातील नागरिकांनी अग्निशमन दलास कळविले त्यानंतर आठ साडे आठ पर्यंत आग आटोक्यात आणण्यात अग्निशमन दलास यश आले.

त्यादरम्यान दुकान मालक नाजीम शेख व नागरिकांनी शक्य तितके भंगार गोण्या बाहेर काढता येईल तेवढ्या दुकानाबाहेर काढल्याने मोठा अनर्थ टळला व आग लवकर आटोक्यात आली. ही आग कशामुळे लागली याचे कारण अद्याप स्पष्ट झाले नाही.