Nashik Fire Accident : अंबड औद्योगिक वसाहतीतील पेंट शोरूमला गुरुवारी (ता. १५) दुपारी अचानक आग लागल्याने आगीत पेंट शोरूमचे लाखो रुपयांचे नुकसान झाले असल्याचा अंदाज वर्तविण्यात येत आहे.

आग आटोक्यात आणण्याकरिता सिडको व अंबड अग्निशमन दलाने तत्काळ घटनास्थळी दाखल होत आगीवर नियंत्रण मिळविले. (Fire at paint showroom in Ambad Industrial Estate nashik news)

हेही वाचा : Credit Card फसवणूक....काय घ्याल काळजी?

याबाबत अधिक माहिती अशी, की गुरुवारी दुपारी दीडच्या सुमारास अंबड औद्योगिक वसाहतीतील ऑटोमोटिव्ह येथील एका पेंट शोरूमला आग लागली होती. सिडको व अंबड एमआयडीसीचीच्या अग्निशामक बंबांनी पाणी मारून आग विझविली.

या वेळी सिडको केंद्राचे केंद्रप्रमुख आर. ए. लाड, लिडींग फायरमन प्रमोद लहामगे, श्रीराम देशमुख, सिद्धार्थ भालेराव, वाहन चालक नंदू व्यवहारे व एमआयडीसी अग्निशामक दलाचे एस. एस. फुले, के. जी. घुगे, धुळे, ब्राह्मणकर या कर्मचाऱ्यांनी आगीवर नियंत्रण मिळविले.

आगीत पेंट शोरूममधील संपूर्ण पत्र्याचे शेड, कलर व इतर रॉ मटेरियलचे मोठ्या प्रमाणात नुकसान झाले. लाखो रुपयांचे नुकसान झाले असले तरी सुदैवाने जीवितहानी टळली. आग कशामुळे लागली हे मात्र स्पष्ट झाले नाही.