नाशिक : संपूर्ण महाराष्ट्रात कोरोना व्हायरस प्रकोप सुरू असून इतिहासात पहिल्यांदाच इयत्ता पाचवी ते नववी पर्यंतची परीक्षा रद्द करण्याची वेळ बहुतांश शाळांवर आली आहे. जवळपास 17 मार्चपासून महाराष्ट्रात लॉकडाऊन सुरू असून तो अद्यापही कायम आहे. यामुळे ज्या 1 मे ची विद्यार्थी आतुरतेने वाट पाहत असता तो 1 मे पास नापास विनाच जाणार असून विद्यार्थी आता थेट परिस्थिती सुधारल्यास 15 जूनला शाळेत प्रवेश करणार आहे.

पास - नापासचा विषयच नाही

विद्यार्थ्यांना आता थेट परिस्थिती सुधारल्यास 15 जूनला शाळेत प्रवेश करणार आहे. त्यामुळे कोणत्याही विद्यार्थ्याला आता पास व नापास होण्याची भीतीच राहिलेली नाही. अभ्यास करणाऱ्या विद्यार्थ्यांना वर्षभर अभ्यास केल्याने परीक्षा रद्द झाल्याने दुःखही वाटले. परंतु सर्वसाधारण विद्यार्थ्यांसाठी मात्र ही आनंदाची पर्वणी ठरली. मात्र असे असले तरी बऱ्याच शिक्षण संस्थांनी आपल्या शाळांमध्ये ऑनलाईन शिक्षणाच्या माध्यमातून काही उणीव भरून काढली. अभ्यास करणाऱ्या विद्यार्थ्यांसाठी ऑनलाइन शिक्षण घेण्याची संधी मिळाली. मात्र सर्वसाधारण विद्यार्थी त्यातही ग्रामीण भागातले विद्यार्थी की ज्यांच्या पालकांना जवळ अध्याप अँड्रॉइड फोनच नाही. त्यांना मात्र काही प्रमाणात या ऑनलाईन शिक्षणापासून वंचित राहावे लागले. असे असले तरी या परीक्षेचा निकाल मात्र होणार नसल्याने पास नापासचा विषयच येणार नाही. पास-नापास नसल्याने प्रथम सत्र परीक्षाच्या व दुसऱ्या सत्रातील पहिल्या चाचणीच्या आधारे शाळा आपल्या स्तरावर निकाल तयार करत आहे मात्र हा निकाल 1 तारखेला जाहीर होणार नाही. 

हेही वाचा > दुकान व धान्याबाबतच्या तक्रारी आहेत? बिनधास्त हेल्पलाईन क्रमांक डायल करा!

कोरोना व्हायरसच्या धर्तीवर महाराष्ट्रात लॉकडाऊन सुरू असून शासन व मविप्र संस्था नाशिक यांच्या आदेशान्वये पहिले सत्र व दुसऱ्या सत्रातील पहिली चाचणीच्या आधारे विद्यार्थ्यांचा निकाल तयार करण्याचे काम वर्क एट होम पद्धतीने वर्गशिक्षक करत आहे. मात्र सर्वच विद्यार्थी पास होणार असल्याने त्यांना 1 मे पास-नापास निकालाचे उत्सुकता असणार नाही. - आनंदा शिंदे, मुख्याध्यापक, मौजे सुकेणे हायस्कूल  

हेही वाचा > ह्रदयद्रावक! हळद लागली अन्‌ अक्षता रुसल्या! सप्तपदीच्या फेऱ्यांपूर्वीच नववधूचा संसार उद्‌ध्वस्त