विंचूर (जि. नाशिक) : विंचूर लासलगाव रस्त्यावर मंजुळा पॅलेसजवळ ता.२५ रोजी सायंकाळी साडे सहा वाजेच्या दरम्यान रिक्षा व हायवा ट्रक यांच्यात भीषण अपघात (Accident) होवून रिक्षामधील रिक्षा चालक व चार प्रवासी असे पाच जण ठार झाले. यापैकी चार जण जागीच ठार झाले तर एक जण अत्यवस्थ असल्याने त्यास रूग्णालयात उपचारासाठी दाखल केले होते. ज्याचा उपचारादरम्यान मृत्यू झाला आहे.

लासलगाकडून प्रवाशांनी भरलेली रिक्षा क्र.MH-15-Y-4461 विंचूरच्या दिशेने मंजूळा पॅलेसजवळ येत असतांना. विंचूरकडून लासलगावच्या दिशेने जात असलेला हायवा ट्रक क्र.MH-06-Z-7576 यांच्यात भीषण अपघात होवून रिक्षा चालक सुहास मनोहर निकाळे (वय ४० रा.विंचूर) तसेच प्रवासी विठ्ठल बाजिराव भापकर (वय ६५ रा.लोणी, प्रवरा), भाउसाहेब बाळासाहेब नांगरे (वय ६० रा. प्रवरा कॉलनी, लोणी बु), रतन सुकदेव गांगुर्डे (वय ४० रा. विंचूर), किसनदास गोविंदद‍ास बैरागी (वय ६० रा. धारणगाव खडक) हे जागीच ठार झाले. मृतांना लासलगाव ग्रामीण रुग्णालयात दाखल करण्यात आले आहे. घटनास्थळी लासलगाव पोलीस ठाण्याचे सहा. पोलीस निरीक्षक राहूल वाघ, पो.उपनिरीक्षक रामकृष्ण सोनवणे, पो. हवा. राजेंद्र घुगे, योगेश शिंदे, कैलास मानकर दाखल होत हायवा ट्रक चालकास ताब्यात घेतले आहे. पुढील तपास लासलगाव पोलीस करत आहे.