मनमाड (जि. नाशिक) : उत्तर महाराष्ट्रासह मराठवाड्याला इंधन पुरवठा करणाऱ्या पानेवाडी (ता. नांदगाव) येथील इंधन प्रकल्पातील इंडियन ऑइल कंपनीच्या निविदा प्रक्रियेतील मनमानी कारभाराच्या निषेधार्थ कंपनीच्या इंधन वाहतूकदारांनी अचानक संपाचे हत्यार उपसल्याने प्रकल्पातून होणारी इंधन वाहतूक ठप्प होण्याची दाट शक्यता निर्माण झाली आहे. (Fuel transportation will stopped Sudden strike by transporters nashik news)

हेही वाचा : जीएसटीसाठी नोंदणी केलीच नाही तर??

पानेवाडी येथील इंधन प्रकल्पातील इंडियन ऑइल कंपनी प्रशासन मनमानी पद्धतीने कारभार करीत असल्याने त्याचा फटका वाहतूकदारांना बसत आहे. खरेदी केलेले टँकर टेंडर प्रक्रियेत नाकारण्यात आल्याने वाहतूकदारांना मोठा फटका बसत आहे.

या घटनेच्या निषेधार्थ वाहतूकदारांनी संप पुकारल्याने कंपनी परिसरात इंधन वाहतूक करणारे टँकर उभे करून ठेवण्यात आले आहे. कंपनी प्रशासन वाहतूकदारांच्या मागण्या जोपर्यंत मान्य करणार नाही तोपर्यंत आंदोलन सुरूच ठेवण्याचा निर्धार वाहतूकदाराने घेतल्याने तिढा निर्माण झाला आहे.