येवला : तालुक्यातील रस्त्यांच्या कामांसाठी आमदार नरेंद्र दराडे व आमदार किशोर दराडे यांनी सुमारे ४० कोटींच्या निधीला मंजुरी मिळविली आहे.

यामुळे ग्रामीण भागातील वर्षानुवर्ष रखडलेल्या रस्त्यांची अवकळा थांबून नागरिकांची सोय होणार आहे. (Fund of 40 crores approved for roads in Yeola Initiative of MLA Darade brothers Nashik News)

मागील वर्षात येवला शहर व नववसाहतीत तब्बल ६५ कोटी रुपयांच्या रस्त्यांच्या काँक्रिटीकरणासह डांबरीकरणाच्या विविध कामांना आमदार दराडे बंधूंनी चालना दिली आहे. कित्येक वर्षापासून न झालेली रस्ता कामे आमदार दराडे बंधूंच्या माध्यमातून पूर्णत्वास गेली आहेत.

मुख्यमंत्री एकनाथ शिंदे, उपमुख्यमंत्री देवेंद्र फडणवीस व अजित पवार, पालकमंत्री दादा भुसे, बांधकाम मंत्री रवींद्र चव्हाण यांच्यासह इतर विभागाच्या मंत्र्यांच्या सहकार्याने येवला- लासलगाव परिसरातील विकासासाठी भरीव निधी मिळविण्यात त्यांना यश आले आहे.

पुरवणी अर्थसंकल्पात पाठपुरावा करून पढेगाव-न्याहारखेडे-रेंडाळे ते ममदापूर रस्ता, मनमाड ते भालूर-राजापूरमार्गे रहाडी, भारम, अंकाई-नायगव्हाण, राजापूर-खरवंडी-ते रहाडी, नांदेसर-उंदीरवाडी बोकटे ते खामगाव, तिसगाव बहादुरी-पाटोदा ते पिलखोड हद्द, नायगव्हाण-कुसमाडी-धामोडे ते बाभूळगाव,

खामगाव-आडसुरेगाव ते भुलेगाव, सावरगाव- भाडगाव-चिचोंडी-निमगाव मढ ते रवंदा, धुळगाव, सातारे-जऊळके- शिरसगाव लौकीमार्गे लासलगाव, वापी ते निफाड-येवला या रस्त्यांसाठी निधी उपलब्ध झाला आहे. मंजुरीची प्रक्रिया पूर्ण झाल्यानंतर प्रत्यक्षात कामाला सुरवात होईल.