Nashik Ganeshotsav : मुंबई व ठाणे महापालिकेच्या धर्तीवर नाशिक महापालिका हद्दीतील गणेश मंडळांना मंडप परवाना शुल्क माफ करण्यात आले आहे.

मंडळांना आता ७५० रुपये शुल्क भरावे लागणार नाही. महापालिका हद्दीत गणेश मंडळाकडून मंडप, व्यासपीठ उभारले जातात.

सार्वजनिक ठिकाणी मंडप उभारल्यास परवाना शुल्क भरणे बंधनकारक असते. नाशिक महापालिकेकडून मागील वर्षाप्रमाणेच या वर्षीदेखील ७५० रुपये शुल्क आकारले जाणार नाही. (Ganeshotsav 2023 Ganesh Mandal license fee waived Nashik)

हेही वाचा : Credit Card फसवणूक....काय घ्याल काळजी?

गणेश मंडळांच्या बैठकीत परवाना शुल्क आकारू नये, अशी मागणी करण्यात आली होती.

त्याअनुषंगाने आयुक्त अशोक करंजकर यांनी सोमवारी (ता. ११) झालेल्या स्थायी समितीच्या बैठकीत परवाना शुल्क रद्द करण्याचा निर्णय घेतला. त्यामुळे मंडळांना काही प्रमाणात दिलासा मिळणार आहे.