girish mahajan esakal
नाशिक

PM Modi In Nashik : मोदीमय वातावरणासाठी गिरीश महाजनांची शाळा; सभास्थळी नेतागिरी न करण्याचा पदाधिकाऱ्यांना सल्ला

पंतप्रधान नरेंद्र मोदी यांच्या दौऱ्यानिमित्त जाहीर सभेच्या ठिकाणी वातावरण मोदीमय करण्यासाठी ग्रामविकासमंत्री गिरीश महाजन यांनी सभास्थळी पदाधिकाऱ्यांची शाळा घेतली.

सकाळ वृत्तसेवा

PM Modi In Nashik : पंतप्रधान नरेंद्र मोदी यांच्या दौऱ्यानिमित्त जाहीर सभेच्या ठिकाणी वातावरण मोदीमय करण्यासाठी ग्रामविकासमंत्री गिरीश महाजन यांनी सभास्थळी पदाधिकाऱ्यांची शाळा घेतली. सभेच्या ठिकाणी मोदीमय वातावरण करताना जबाबदारीने वागण्याचा सल्ला दिला.

पदाधिकाऱ्यांनी कार्यकर्ता म्हणून काम करावे, नेतागिरी करू नये, प्रभागातील नागरिकांना घेऊनच सभेला यायचे अशा सूचना पदाधिकाऱ्यांना दिल्या. (girish mahajan Advised to behave responsibly at meeting place of leader pm modi nashik news )

२७ वा राष्ट्रीय युवा महोत्सव शुक्रवारी नाशिकमध्ये होत आहे. त्यासाठी पंतप्रधान नरेंद्र मोदी यांचा दौरा निश्चित झाला आहे. त्या पार्श्वभूमीवर भारतीय जनता पक्षाकडून नियोजन केले जात आहे. सभेनिमित्ताने लोकसभा निवडणुकीच्या पार्श्वभूमीवर शक्तिप्रदर्शन केले जाणार आहे. लोकसभा निवडणुकीचा प्रचाराचा नारळ या सभेच्या माध्यमातून फुटला जाण्याची शक्यता आहे.

त्यामुळे भाजपचे संकटमोचक म्हणून ओळखले जाणारे गिरीश महाजन तीन दिवसांपासून नाशिकमध्ये तळ ठोकून आहेत. सभेची, तसेच काळाराम मंदिर दर्शन व गोदाघाटावरील पाहणीचे नियोजन केल्यानंतर आज त्यांनी सभास्थळी पदाधिकाऱ्यांची शाळा घेतली. त्यात त्यांनी स्पष्ट सूचना दिल्या.

सभेला आठ हजार खेळाडू असले तरी लाखभर लोक जमविण्याचे उद्दिष्ट असल्याचे त्यांनी सांगितले. मतदारसंघातील नागरिकांना सोबत आणायचे, सभेत जिवंत वातावरण तयार करायचे आहे. मोदी यांच्या नावाच्या घोषणा द्यायच्या, अशा सूचना त्यांनी केल्या. सभेत कोणालाही गोंधळ करू देऊ नका, सभा सुरू असताना कोणाला उठू देऊ नका, प्रत्येकाने स्वयंसेवकाप्रमाणे वागण्याच्या सूचना महाजन यांनी दिल्या.

गर्दीचे टार्गेट व रॅलीचा पुरावा

सभेला एक लाखापेक्षा अधिक नागरिकांना गोळा करण्याची जबाबदारी नगरसेवक व पदाधिकाऱ्यांना त्यांनी दिली. पक्षाच्या पदाधिकाऱ्यांनी व्हीआयपीसारखे बसू नये. प्रत्येकाने आपल्या प्रभागातील लोकांची रॅली काढून सभास्थळी आणायचे आहे. त्यासाठी व्हॉट्सॲपवर पुरावा देण्याच्या सूचना त्यांनी दिल्या. किती लोक रॅलीत सहभागी झाले याचा पुरावा व्हॉट्सॲपवर पाठविण्याच्या सूचना त्यांनी दिल्या.

सभेत ‘जय श्रीराम’चा नारा

पंतप्रधान नरेंद्र मोदी यांचे व्यासपीठावर आगमन झाल्यानंतर त्यांचा जयघोष याबरोबरच सभेचे वातावरण श्रीराममय असावे, अशा सूचना दिल्या. प्रत्येकाच्या डोक्यावर ‘जय श्रीराम’ अशी टोपी असावी, भगवे मफलर सोबत आणावे, प्रत्येकाला स्वयंशिस्त पाळणे आवश्यक आहे. तसेच ‘जय श्रीराम, मोदी मोदी’ अशा घोषणा देण्याच्या सूचना महाजन यांनी दिल्या.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Vaibhav Sooryavanshi Match : वैभव सूर्यवंशी कल्ला करणार, तिलक वर्माच्या नेतृत्वाखाली वन डे खेळणार; जाणून घ्या सामना कधी, कुठे, किती वाजता Live पाहता येणार

Roti Lasagna Recipe: पोळी उरली की फेकू नका! बनवा भन्नाट ‘रोटी लजानिया’; चवीला एकदम लाजवाब!

Shimron Hetmyer Smashes 37-Ball Hundred : राजस्थान रॉयल्सने रिलीज केले, गडी पेटला! T10 क्रिकेटमध्ये ठोकले शतक, ९ चौकार अन् ८ षटकारांचा पाऊस...

IND vs NZ 1st Test Day 2 Live: रोहित शर्मानंतर क्रिकेट इतिहासात ग्लेन फिलिप्सने 'अविश्वसनीय' पराक्रम केला; शतक ठोकले, निकोल्ससह अनेक विक्रमही मोडले...

IND vs NZ 1st Test Day 2 Live: ग्लेन फिलिप्सच्या मानेवर चेंडू जोरात आदळला! बॅट फेकली, हेल्मेट फेकलं... भारतीय खेळाडूने टशनने पाहिलं; जबरदस्त ड्रामा

SCROLL FOR NEXT