नाशिक : धुमोडी (ता. त्र्यंबकेश्वर) येथे राहणाऱ्या ८ वर्षीय चिमुकलीवर बिबट्याने (Leopard) हल्ला करून ठार (Death) केले. सोमवारी सायंकाळी सातच्या सुमारास ही घटना घडली. (girl killed in leopard attack in Dhumodi Nashik News)

ऋचिता एकनाथ वाघ असे मृत मुलीचे नाव आहे. सोमवारी सायंकाळी सातच्या सुमारास ऋचिता आपल्या घराजवळ उभी असताना, घराजवळ दबा धरून बसलेल्या बिबट्याने अचानक तिच्यावर हल्ला केला व तिला जंगलाच्या दिशेने ओढून नेले. या घटनेची माहिती वन विभागाला मिळताच त्यांनी तत्काळ घटनास्थळी धाव घेतली व जंगलात मुलीचा शोध सुरू केला. रात्री अकराला ऋचिता हिचा मृतदेह गावपासून एक किलोमीटर आत एका झुडपात मिळून आला.