नाशिक : कोरोनाच्या पार्श्‍वभूमीवर कोलमडलेल्या अर्थव्यवस्थेला बुस्टर डोस देण्यासाठी केंद्र सरकारने वीस लाख कोटींचे पॅकेज जाहीर करताना लघु उद्योगांना कमी व्याज दराने कर्ज देण्याची योजना आखली त्यानुसार हाती भांडवळ खेळते राहण्यासाठी नाशिक मधून 3500 हून अधिक अर्ज दाखल झाले मात्र बॅंकांकडे अद्यापही अर्ज पडून असल्याने पैशांसाठी ताटकळणाऱ्या लघु उद्योजकांचा संयमाचा बांध फुटतं चालला आहे. बॅंकाकडून अर्ज दाखल करून घेण्यात आले असले तरी केंद्र सरकारकडून मात्र अद्यापही सुचना येत नसल्याने कारवाई होत नसल्याचे बॅंकांचे म्हणणे आहे. 

कोरोनामुळे विकासाचा दर घसरला
पाच ट्रीलियन डॉलरची अर्थव्यवस्था करण्याचे स्वप्न गेल्या वर्षाच्या अंदाजपत्रकात दाखविण्यात आले खरे परंतू कोरोनामुळे अस्तित्वातील विकासाचा दर घसरला आहे. चीन वर अवलंबून असलेल्या लघु उद्योगांना बुस्टर डोस देण्यासाठी केंद्र सरकारने एप्रिल महिन्यात देशाच्या एकुण अर्थव्यवस्थेच्या वीस टक्के भांडवल बाजारात आणण्याचे जाहीर केले. त्यात लघु उद्योगांना सवलत देण्याचा निर्णय घेण्यात आला.

केंद्र सरकारचे पॅकेज मृगजळ ठरण्याची शक्‍यता

लॉकडाऊन मुळे भांडवल अडकल्याने कमी दराने म्हणजे 7.5 टक्के दराने कर्ज देण्याची तयारी बॅंकांनी दाखविली. लॉकडाऊन पुर्वी व्यवसायासाठी हेच कर्ज 11 ते 13 टक्के दराने मिळतं होते. कमी दरात व हाती पैसा येण्याच्या आशेने नाशिक मधील 3500 हून अधिक लघु उद्योजकांनी राष्ट्रीयकृत बॅंकांकडे कर्जासाठी अर्ज दाखल केले. अर्ज दाखल केल्यानंतर तत्काळ पैसे उपलब्ध होवून त्यातून उद्योगाची उभारणी करण्याचे ध्येय निश्‍चित करण्यात आले होते. परंतू बॅंकांकडे अर्ज दाखल करूनही अद्याप त्यावर निर्णय होत नसल्याने केंद्र सरकारचे पॅकेज मृगजळ ठरण्याची शक्‍यता व्यक्त केली जात आहे. 

बॅंकांना हव्यात केंद्राच्या सुचना 
बॅंकांची आर्थिक हानी केंद्र सरकारकडून भरून दिली जाणार आहे. बॅंकांमध्ये अर्ज दाखल असले तरी अद्यापपर्यंत कुठल्याही प्रकारच्या सूचना मिळतं नसल्याने बॅंकाकडूनही अर्ज दाखल केलेल्या लघुउद्योजकांना दिशानिर्देश केले जात नाही. कर्ज मिळेल कि नाही याबाबत स्पष्ट सुचना नसल्याने लघु उद्योजकांकडून खासगीरित्या कर्ज उचलण्याची तयारी सुरु करण्यात आली आहे. 

हेही वाचा > photos : मध्यरात्री सिनेस्टाईलने केला राडा...कोयत्याने दरवाजा तोडून घरात शिरले...अन् मग

भांडवल अडकले

लॉकडाऊन मुळे संपुर्ण व्यवसाय ठप्प असल्याने भांडवल अडकले आहे. नव्याने उद्योगाची उभारणी करताना हाती खेळते भांडवलाची लघु उद्योजकांना आवशक्‍यता आहे. कमी व्याजदरात कर्ज देण्याची योजना जाहीर करण्यात आली, त्यासाठी बॅंकाकंडे कर्ज मागणीचे अर्ज दाखल करूनही त्यावर निर्णय होत नसल्याने केंद्राचे पॅकेज मृगजळ ठरण्याची भिती आहे.- संदीप पाटील, लघु उद्योजक, नाशिक. 

हेही वाचा > VIRAL : 'चमक्या लुगडं' नेसणारा 'पॉवरलूमचा कामगार तुफान व्हायरल...एकदा बघाच