health department recruitment exam नाशिक : आरोग्य विभागातील गट क प्रवर्गातील पदांसाठी आयोजित करण्यात आलेल्या परीक्षेत गोंधळ निर्माण झाल्याचं दिसून आलं आहे. प्रश्न पत्रिकेत गोंधळ असल्याचा परीक्षार्थींनी आरोप केला आहे. शहरातील केटीएचएम महाविद्यालय परीक्षा केंद्रावर परीक्षार्थी आक्रमक होत ही परीक्षा रद्द करण्याची मागणी केली.

या परीक्षेत अपेक्षित विषयसोडून दुसऱ्याच विषयाची प्रश्नपत्रिका दिल्याचा आरोप परिक्षार्थीं केला आहे, शहरातील गंगापूररोडवरील के टी एच एम महाविद्यालयात हा प्रकार घडला. दुपारच्या सत्रातील परीक्षा न होऊ देण्याची भूमिका उमेदवारांनी घेतल्याने परिस्थिती गंभीर बनली, त्यांनंतर परीक्षा केंद्रावर पोलिस अधिकारी दाखल झाले.

दरम्यान सकाळच्या सत्रात गिरणारे येथील परीक्षा केंद्रावर गोंधळ झाल्याची माहिती उमेदवारांनी दिली. यामुळे ही परीक्षा रद्द करून MPSC मार्फत परीक्षा घ्यावी अशी मागणी यावेळी संतप्त झालेल्या परीक्षार्थींनी केली.