अंबासन (जि.नाशिक) : उघडीप दिलेल्या पावसाने बुधवार (ता.२२) सायंकाळी जोरदार बॅटींग केली तर वायगाव, दुंधे, तळवाडे, देवळाणे, सुराणे परिसरात ढगफुटी सदृश्य पावसामुळे शेतकऱ्यांचे अतोनात नुकसान झाले. बहुतांश घरातही पाणी शिरले होते. शेतातील विहिरी पाण्याखाली गेल्या तर डाळींब बागा भुईसपाट झाल्या ब-याच शेतकऱ्यांची जमीन वाहुन गेल्याने शेतकऱ्यांसमोर मोठे आव्हान उभे राहिले आहे. कृषी विभागाने दखल घेऊन नुकसान झालेल्यांचे पंचनामे करून भरपाई द्यावी अशी मागणी होत आहे.