नाशिक : कोवीड लस (covid vaccine) देण्याच्या कारणातून एकाने इंदिरा गांधी रुग्णालयात (hospital) गोंधळ घालत सरकारी कामात अडथळा आणल्याचा प्रकार पंचवटी कारंजा भागात घडला. रुग्णालयात गोंधळ घालणाऱ्या संशयिताविरोधात यापूर्वीही भद्रकाली पोलिस ठाण्यात गुन्हे दाखल आहेत. (Indira Gandhi Hospital)
रुग्णालयात सराईताचा गोंधळ
रुग्णालयात गोंधळ घातल्या प्रकरणी पंचवटी पोलिसांनी पोलीस रेकॉर्ड वरील एका संशयितास अटक केली. याप्रकरणी पंचवटी पोलीस ठाण्यात गुन्हा दाखल करण्यात आला आहे. मृणाल भालचंद्र घोडके (३३ रा.लक्ष्मी प्राईड,टाकळी रोड) असे अटक केलेल्या संशयीताचे नाव आहे. याप्रकरणी विजय मोतीराम देवकर (रा.उंटवाडी) यांनी तक्रार दाखल केली आहे. ही घटना पंचवटी कारंजा येथील महापालिकेच्या इंदिरा गांधी रूग्णालयात घडली. देवकर या रूग्णालयाचे वैद्यकीय अधिक्षक असून मंगळवारी (ता.१८) ते सेवा बजावत असतांना तेथे आलेल्या संशयिताने माझी आई व्हॅक्सीन घेण्यासाठी आली आहे. इतका वेळ लागतो का ? तुम्ही डॉक्टर माजले आहेत. असे म्हणून देवकर यांना शिवीगाळ करून दमदाटी केली. तसेच धक्काबुक्की करून कोवीड साथ रोगाचे प्रतिबंधक महत्वाचे काम करीत असतांना सरकारी कामात व्यत्यय आणला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.