Nashik Dengue Disease : शहरात ऑक्टोबरमध्ये डेंगीचे तब्बल १९३ रुग्ण आढळून आले असून, खासगी रुग्णालयात रुग्ण मोठ्या प्रमाणावर उपचार घेत आहेत. शहरात डेंगी बाधितांचा आकडा ७१५ वर पोचला आहे. (Increase in number of dengue patients nashik news)

नाशिक रोड व सातपूर विभागात सर्वाधिक डेंगी रुग्ण आढळून आले आहे. महापालिकेच्या मलेरिया विभागाने डेंगी निर्मूलन मोहीम युद्धपातळीवर राबविण्यास सुरवात केली असली तरी त्याचा फारसा परिणाम जाणवत नाही. एक हजार १२ ठिकाणी डासांची उत्पत्ती ठिकाणे आढळल्याने त्या घरे, आस्थापनांना मलेरिया विभागाकडून नोटीस बजावण्यात आली आहे.

जानेवारीत सतरा, फेब्रुवारी व मार्चमध्ये प्रत्येकी २८, एप्रिलमध्ये आठ, मेमध्ये नऊ, जूनमध्ये २६, जुलैत १४४, तर ऑगस्टमध्ये ११७, सप्टेंबरमध्ये १०६६ संशयित आढळले. त्यातील २६१ रुग्णांचा डेंगी अहवाल पॉझिटिव्ह आला.

विभागनिहाय बाधितांची स्थिती

विभाग डेंग्यू बाधित

पूर्व २९

पश्चिम १३

नाशिक रोड ४६

सिडको ३१

पंचवटी ३२

सातपूर ४२

एकूण १९३