Nashik News : त्र्यंबकश्वर येथे दर्शन घेऊन पंढरपुरकडे निघालेल्या वारकऱ्याला रिक्षाने धडक दिली. यात गंभीर जखमी वारकऱ्याचा उपचारादरम्यान मृत्यू झाला.

हा अपघात त्र्यंबक रोडवरील विसे लॉन्ससमोर शनिवारी (ता.३) सकाळी दहाच्या सुमारास घडला. (Injured worker dies in accident Nashik Accident News)

मधुकर चिल्लू शिंदे (६७, रा. महाजनपूर, ता. निफाड, जि. नाशिक) असे मृत वारकऱ्याचे नाव आहे. श्री. शिंदे हे महाजनपूर येथून वारीत सहभागी झाले होते.

त्र्यंबकेश्वर येथून दर्शन घेऊन ते पंढरपूरच्या दिशेने दिंडीत प्रस्थान करीत होते. त्याचवेळी एका रिक्षाने त्यांना धडक दिली.

त्यांना उपचारार्थ खासगी रुग्णालयात दाखल केले होते. सातपूर पोलिसात नोंद करण्यात आली असून, हवालदार भड तपास करीत आहेत.

हेही वाचा : Credit Card फसवणूक....काय घ्याल काळजी?