नाशिक : उपनगर पोलिसांनी आंतरराज्य टोळीचा पदार्फाश करीत मोबाईल चोरांकडून ५४ मोबाईल हस्तगत केले आहेत. यात तमिळनाडूतील सहा सराईतांच्या मुसक्या आवळण्यात शहर पोलिसांना यश आले आहे.

मुरली मुरुगन (वय २४, थोत्तीथेराईतोत्तोर, वेल्लोर, तामीळनाडू), जगदीशन पल्लानी (वय ३०, टीटी मोटटोर पेरीया पल्लम, गुडीयाट्टम वेल्लोर), व्यंकटेश शंकर (वय ३३, ओटरपल्लीयम, गुडीयाटम, वेल्लोर), मंगेश पेरुमल (वय ३०, टीटी मोटोर, गुडीयाटम वेल्होर), मोहन रंगन (वय २२, ओटरपल्लीयम, गुडीयाटम, वेल्लोर), आरमुघम सुब्रमणी (वय ३३, नरीयम पट्टु, ओटर, सागरपुरम, नरीयमवट्टू, वेल्लोर) अशी संशयितांची नावे आहे.

शहर पोलिसांनी शनिवारी (ता.७) सायंकाळी साडे सातला संशयिताच्या मुसक्या आवळल्या. पोलीस उपायुक्त विजय खरात, सहाय्यक आयुक्त समीर शेख, वरिष्ठ पोलिस निरीक्षक अनिल शिंदे, कुंदन जाधव यांच्या मार्गदर्शनाखाली सहाय्यक पोलिस उपनिरीक्षक अतुल पाटील तपास करीत आहे. शहर पोलिसांनी संशयितांकडून शहर परिसरातील चोरलेले ५४ मोबाईल हस्तगत केले आहे.

वरिष्ठ निरीक्षक अनिल शिंदे यांच्या मार्गदर्शनाखाली पोलिस उपनिरीक्षक अतुल पाटील, सहाय्यक पोलिस उपनिरीक्षक अशोक साळवे, काशीनाथ गोडसे, रामकृष्ण वाघ, अशोक वाजे, सुनील लोहरे, पुंजाराम गांगुर्डे, बाबू लखन, राहूल जगताप, अमोल टिळेकर, भूषण अनवट, सुदर्शन बोडके, गणेश भागवत, पंकज कर्पे, आनंदा घुगरे आदीच्या पथकाने केलेल्या या कारवाईत मुद्देमाल संशयिताकडून हस्तगत होण्याची पोलिसांनी आशा आहे.

टाउनहॉलच्या लोखंडी प्लेटा जप्त

नाशिक रोड परिसरातील महापालिकेच्या महात्मा गांधी टाउन हॉल सभागृहाच्या लोखंडी प्लेटा चोरीप्रकरणी पोलिसांनी इगतपुरीतीला एकाला अटक केली आहे. पोलिसांनी केलेल्या कारवाईत अटक केलेल्या संशयिताचे नाव अर्जुन खंडू म्हस्के (वय २८, इगतपुरी) आहे. त्याला काल शनिवारी (ता.७) साडे अकराला पोलिसांनी अटक केली. त्याच्याकडून पोलिसांनी ११५ लोखंडी प्लेटा हस्तगत केल्या आहेत. पोलीस उपनिरीक्षक लोंढे, महिला पोलिस उपनिरीक्षक तेजल पवार, अशोक साळवे, रामकृष्ण वाघ, सुनील लोहरे, अशोक वाजे,पुंजाराम गांगुर्डे, बाबू लखन आदीच्या पथकाने वरिष्ठ निरीक्षक अनिल शिंदे यांच्या मार्गदर्शनाखाली ही कारवाई केली.