Nashik Crime : राज्यात राज्य उत्पादन शुल्क विभागाच्यावतीने गावठी हातभट्टी दारू उच्चाटन सुरू असल्याने राज्य उत्पादन शुल्क विभागाचे आयुक्त डॉ. विजय सूर्यवंशी यांचे आदेशान्वये विभागीय उपायुक्त तडवी,

अधीक्षक शशिकांत गर्जे यांच्या मार्गदर्शनाखाली मालेगाव तालुक्यातील मानके - दहिकुटे शिवारात विशेष मोहीम राबवीत कानोळी नदी किनारी गावठी हातभट्टी निर्मिती केंद्रावर छापे टाकून हातभट्टी निर्मिती साठी लागणारे रसायन, प्लास्टिक तसेच लोखंडी ड्रम,असा दारूबंदी गुन्ह्याखालील मुद्देमाल जागीच नष्ट करण्यात आला. (Lakh village liquor destroyed in Malegaon area Nashik Crime)

हेही वाचा : Credit Card फसवणूक....काय घ्याल काळजी?

तसेच गावठी दारू निर्मितीसाठी लागणारे छोटे मोठे पातेले, हांडे जप्त करण्यात आले. कारवाईत एकूण रुपये एक लाख ५ हजार ८०० रुपये किमतीचा दारूबंदी गुन्ह्यातील मुद्देमाल मिळून आला.

या प्रकरणी अज्ञात व्यक्तिविरोधात गुन्हे दाखल करण्यात आले आहेत. कार्यवाही राज्य उत्पादन शुल्क, मालेगाव विभागाचे निरीक्षक डी. एल. जगताप, दुय्यम निरीक्षक हर्षराज इंगळे, सहायक दुय्यम निरीक्षक वंदना देवरे, जवान दीपक गाडे, श्याम पानसरे, प्रवीण अस्वले यांनी केली.