नाशिक

आसखेडा येथे विहिरीत पडलेल्या बिबट्याची वनविभागाकडून यशस्वी सुटका

CD
05218 आसखेडा : रविकांत कापडणीस यांच्या विहीरीतून सुखरूप बाहेर काढण्यात आलेला बिबट. आसखेडा येथे विहिरीत पडलेल्या बिबट्याची वनविभागाकडून सुटका सकाळ वृत्तसेवा अंबासन, अंतापूर, ता. १८ : आसखेडा (ता.बागलाण) येथे भक्ष्याचा पाठलाग करताना विहिरीत पडलेल्या बिबट्याची वनविभागाच्या पथकाने यशस्वी सुटका केली. वनविभागाच्या तत्परतेमुळे बिबट्याचे प्राण वाचले असून, या घटनेमुळे परिसरातील शेतकरी व नागरिकांमध्ये भीतीचे वातावरण निर्माण झाले आहे. आसखेडा येथील शेतकरी रविकांत बंडू कापडणीस यांच्या मालकीच्या (गट क्रं.६५) मधील विहिरीत रात्रीच्या सुमारास भक्ष्याचा पाठलाग करताना बिबट्या पडला होता. सकाळी शेतातील विद्युतपंप सुरू करण्यासाठी गेलेल्या सालगड्याने विहिरीत डोकावून पाहिले असता त्याला बिबट्या पडल्याचे निदर्शनास आले. त्याने तत्काळ ही माहिती रविकांत कापडणीस यांना भ्रमणध्वनीद्वारे दिली. त्यानंतर वनविभागाला घटनेची माहिती देण्यात आली. वनविभागाच्या पथकाने घटनास्थळी धाव घेतली. कर्मचाऱ्यांनी योग्य नियोजन व अथक प्रयत्नांच्या सहाय्याने विहिरीत पिंजरा सोडून बिबट्याची सुरक्षित सुटका केली. बचाव मोहीम ज्ञानेश्वर शेरमाळे, वनपरिक्षेत्र अधिकारी, ताहाराबाद प्रादेशिक यांच्या मार्गदर्शनाखाली राबविण्यात आली. या मोहिमेत वनरक्षक व्ही. डी. पवार, एस. एस. गायकवाड तसेच वनमजूर केदा भामरे, लक्ष्मण पवार, दीपक पवार व अनिल पवार यांनी सहभाग घेतला. आसखेडा परिसरात आणखी बिबट्याचा वावर असल्याची शक्यता व्यक्त होत असल्याने शेतकरी व ग्रामस्थांमध्ये चिंतेचे वातावरण आहे. नागरिकांनी शेतात जाताना सतर्कता बाळगावी, असे आवाहन करण्यात येत आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

MG Road वरील खाऊ गल्लीत FDA ची धडक कारवाई; परवाना नसलेल्या पाच खाद्यविक्रेत्यांना व्यवसाय बंद करण्याचे आदेश

Yuzvendra Chahal 400 T20 Wickets: युझवेंद्र चहलने इतिहास रचला... ट्वेंटी-२०मध्ये असा पराक्रम करणारा पहिला भारतीय गोलंदाज

Youngest Demat Account Holder : वय अवघे ६ दिवस अन् थेट शेअर बाजारात एन्ट्री! १२ दिवसांचा जुना रेकॉर्ड मोडत दिल्लीच्या चिमुकल्याने रचला नवा विश्वविक्रम

Sudhir Mungantiwar : "आपलं सरकार इंग्रजांपेक्षाही वाईट..."; सुधीर मुनगंटीवार आक्रमक, मुख्यमंत्र्यांसमोरच मांडली भूमिका, नेमकं काय घडलं?

Latest Marathi News Live Update : सोनं-चांदी दरात पुन्हा घसरण; सोनं 2 हजार 800 रुपयांनी तर चांदी चार हजार रुपयांनी घसरली

SCROLL FOR NEXT