नाशिक : गेल्या गुरुवारी (३० जुलै) घरगुती वादातून पती दीपक पवार याने पत्नी पूजा पवार हिच्या गळ्यावर वस्त्याऱ्याने वार केला. यात तिच्या गळ्यावर खोलवर जखम झाली. रक्ताच्या थारोळ्यात पत्नीला सोडून पती तर केव्हाच निघून गेला होता. त्यानंतर जे घडले ते अंगावर काटा आणणारे होते.

काय घडले नेमके?

पंचवटीतील समर्थनगरमध्ये संशयित पतीने पत्नीच्या गळ्यावर वस्त्याऱ्याने वार करीत तिचा गळा चिरला. अत्यंत गंभीर अवस्थेमध्ये तिला उपचारासाठी जिल्हा रुग्णालयात आणले असता, तिची श्वास नलिकाच इजा पोहोचली होती. सिव्हिलमध्ये आणले असता, इएनटी सर्जन डॉ संजय गांगुर्डे यांनी कोणताही विलंब न लावता शस्त्रक्रिया करण्याचा निर्णय घेतला. यात तिच्या श्वासनलिकेला इजा पोहोचली असल्याने तिच्या जीवाला धोका होता. मात्र डॉ गांगुर्डे यांनी अतिशय संयमाने आणि धीराने घेत यशस्वी शस्त्रक्रिया केली आणि पूजा पवार या ३२ वर्षीय विवाहितेचा जीव वाचविला.

जगण्याशी शक्यता नसतानाही ती वाचली केवळ डॉक्टरमुळेच

एकीकडे रुग्णाचा जीव गेला म्हणून डॉक्टरांवर हल्ले होत असताना, यातील एका डॉक्टरमुळे एका महिलेचा जीव वाचला हेही समाजाने लक्षात घेतले पाहिजे. त्यामुळे तिची जगण्याशी शक्यता नसताना तिच्यासाठी डॉ संजय गांगुर्डे मात्र देवदूतासारखे धावून आले आणि तिचे प्राण वाचले. यावर डॉ संजय गांगुर्डेनी मात्र सांगितले की जगण्याची शक्यता नसतानाही प्रयत्न केले. तिचा जीव वाचविल्याचे समाधान मिळाले.

संपादन - ज्योती देवरे

हेही वाचा > विवाहितेचे विचित्र वागणे बेतले तिच्याच जीवावर...दुर्दैवी घटनेने कुटुंबीयही हादरले

हेही वाचा > धक्कादायक! नशेचे रॅकेट आजही कायम...पोलीसांच्या हुक्का पार्लर छाप्यात खळबळजनक गोष्टींचा खुलासा​