नाशिक / अंबासन : गाव व परिसरात आषाढी नंतर महीला भगिनी नदीपात्रातील आई माऊलींच्या नवसपुर्तीसाठी गर्दी करीत आहेत. शुक्रवार (ता.३) सकाळ पासुनच नदीपात्रातील जुन्या पुलाजवळ असलेल्या आई माऊलींच्या दर्शनासाठी अकराच्या सुमारास प्रमोद कोर हे आपल्या कुटुंबासह दर्शनासाठी जात असताना फर्ची पुलाच्या एका कोप-याजवळ जेव्हा महादेवाची पिंड सापडली...तेव्हा त्यांच्या आनंदाला पारावार उरला नव्हता..

....अन् बातमी गावात वा-यासह पसरली

आषाढी एकादशी नंतर महिला भगिनी मोसम नदीपात्रातील आई माऊलींच्या नवसपुर्तीसाठी गर्दी करीत आहेत. शुक्रवार (ता.३) सकाळ पासुनच मोसम नदीपात्रातील जुन्या फर्ची पुलाजवळ असलेल्या आई माऊलींच्या दर्शनासाठी अकराच्या सुमारास प्रमोद कोर हे आपल्या कुटुंबासह दर्शनासाठी जात असताना फर्ची पुलाच्या एका कोप-याजवळ महादेवाची पिंड निदर्शनास आली. यावेळी गावातील करण रामोळे यांनी व काही तरूणांनी मिळालेले दगडी पिंडीचे अवशेष बाहेर काढले. त्याच ठिकाणी नंदी आणि सिमेंटने बनलेला नागाचे भग्नावस्थेत मुर्ती आढळून आल्या. तरूणांनी लागलीच चिखलमातीत माखलेले अवशेष पाण्याने धुवून नदीकाठावर सुरक्षित जागेवर ठेवले. नदीपात्रात महादेव पिंडीसह नंदी नागाची मुर्ती आढळून आल्याची बातमी गावात वा-यासह पसरली होती. त्यामुळे बघ्यांनी एकच गर्दी केली.

होमहवनसह प्राणप्रतिष्ठा

पूर्वीच्या काळात या ठिकाणी कुठलेही मंदिर नसल्याने मुर्त्या आल्या कुठून असा अंदाज नागरिकांकडून व्यक्त केला जात आहे. बहुतेक पुर्वी फर्ची पुलाचे काम करतांना वाहनातून भरावाबरोबर दगडी मुर्ती आल्या असाव्यात तर काहींनी नदीच्या पुरातून एखाद्या मंदीरातील वाहुन आल्या असाव्या असे अंदाज लावले जात आहेत. या सापडलेल्या मुर्तीना कोर यांनी नवसपुर्तीसाठी साकडे घातले आणि पुर्ण होताच त्याच ठिकाणी छोट्याखानी मंदिर तयार करून होमहवनसह प्राणप्रतिष्ठा केली जाणार आहे.  

चर्चेला उधाण

येथील मोसम नदीपात्रातील बंद असलेल्या जुन्या फर्ची पुलाजवळ तरूणांना दगडी महादेवाची पिंड, नंदी व सिमेंट काँक्रीटचा नाग अशा मुर्तीचे भग्नावस्थेत अवशेष आढळून आल्याने एकच खळबळ उडाली आहे. तरूणांनी चिखलमातीत माखलेले अवशेष पाण्याने स्वच्छ करून नदीकाठी सुरक्षित ठिकाणी ठेऊन पुजा केली. सर्वच अवशेष एकाच ठिकाणी सापडल्याने चर्चेला उधाण आले आहे.

हेही वाचा > भयंकर..आमरस खाण्यासाठी नाशिकच्या पाहुण्यांना खास निमंत्रण..अन् तिथेच झाला घात..! गावात दहशत..

नदीकाठी सुरक्षित ठिकाणी ठेवले
आम्ही मोसम नदीपात्रातील आई माऊलींच्या दर्शनासाठी जात असताना महादेवाची दगडी पिंड निदर्शनास आली त्याच पाठोपाठ नंदी सिमेंट काँक्रीटचा नाग आढळून आले. आम्ही बाहेर काढले पाण्याने स्वच्छ करून नदीकाठी सुरक्षित ठिकाणी ठेवले आहेत. - प्रमोद कोर, अंबासन 

हेही वाचा >  सोसायटीचे कर्ज..लहान बहिणीचे लग्न..लहान वयातच जबाबदारीचं ओझं..एका भावाची नशिबाशी झुंज अपयशी..

 मुर्तीचे अवशेष सापडले तेव्हा पहिलीच पुजा करण्याचा मान मिळाला. यामुळे आनंद झाला. मुर्तीचे प्राणप्रतिष्ठा करून स्थापना करण्यासाठी प्रयत्न केला पाहिजे.- प्रतिभा खैरनार, अंबासन