नाशिक : कोल्हापूरचे संभाजीराजे छत्रपती यांची पत्नी संयोगिताराजे भोसले या काळाराम मंदिरात दर्शनासाठी आल्यानंतर त्यांनी वेदोक्त पध्दतीने मंत्रोच्चार करण्याचा आग्रह महंत सुधीरदास पुजारी यांना केला.

हेही वाचा : जीएसटीसाठी नोंदणी केलीच नाही तर??

त्यानंतर महंतांनी श्रृती, स्मृती, पुराणोक्त, शास्त्रोक्त, पुण्यफल प्राप्त्यर्थम असा उल्लेख केल्यानंतर संयोगिताराजेंनी पुराणोक्त शब्दावर आक्षेप घेतला. याविषयी संयोगिताराजेंनी सोशल मीडियाच्या माध्यमातून खंत व्यक्त केल्यानंतर तब्बल दीड महिन्यांनी हा वाद उघड झाला.

याविषयी महंत सुधारदास पुजारी यांनी शुक्रवार ता.३१ रोजी माध्यमांसमोर दिलगिरी व्यक्त केली. तसेच याविषयी छत्रपती घराण्याचा काही गैरसमज झाला असेल तर त्याविषयी कोल्हापूरला जावून शाहु महाराजांची भेट घेणार असल्याचे सांगितले.