नाशिक : कोरोनाबाबत नाशिक जिल्हा अजून प्राथमिक अवस्थेत आहे. कोरोनाच्या निमित्ताने भविष्यात सामाजिक-धार्मिक, राजकीय आणि प्रशासकीय अशा विविध प्रकारच्या समस्या समोर येतील. त्यासह लोकांचे सार्वजनिक आरोग्य राखण्याचे आव्हान आपल्याला पेलावे लागणार आहे. त्यासाठी सर्वांना मोठ्या लढ्याची तयारी ठेवावी लागेल. खूप कष्ट घ्यावे लागतील, असे कोरोनाच्या पार्श्‍वभूमीवर कायदा, सुव्यवस्था, सार्वजनिक आरोग्य व प्रशासकीय उपाययोजनासंबंधी जिल्हाधिकारी कार्यालयात झालेल्या आढावा बैठकीत पालकमंत्री छगन भुजबळ बोलत होते.
मतभेद होणार नाहीत, याची काळजी घ्यावी
मालेगावमध्ये सर्वेक्षणाला एनआरसी, एनपीआरची जोड देण्यात आल्याने लोकांमध्ये मोठ्या प्रमाणावर गैरसमजाचे वातावरण होते. स्थानिक लोकप्रतिनिधी, धर्मगुरू यांनी प्रशासनाला मोठ्या प्रमाणात सहकार्य केल्याने उपाययोजनांना यश मिळताना दिसत आहे. सुरवातीच्या काळात कोरोनामुक्त असलेल्या जिल्ह्याने मालेगावच्या रूपात उद्रेक अनुभवला. तसेच मालेगावच्या बाहेर तालुक्‍याच्या काही ठिकाणी कोरोनाचा संसर्ग झाल्याचे दिसून येते. याचे प्रमुख कारण मालेगावमधील काही लोकांनी शेजारील गावांमध्ये केलेला संचार आहे. त्यामुळे मालेगावमधून बाहेर पडणाऱ्यांच्या संख्येत वाढ होणार नाही व मालेगावमधून कुणीही आसपासच्या गावांमध्ये जाणार नाही, याची खरबरदारी घ्यावी. त्याचबरोबर मुंबईहून नाशिककडे येणाऱ्यांची मोठी रांग महामार्गावर दिसते. अनेक कुटुंबांसोबत लहान मुले असतात. त्यांच्याशी मानवतेच्या दृष्टिकोनातून प्रशासनाने व्यवहार करावा. ज्यांच्याकडे बाहेर जाण्याची परवानगी आहे, त्यांना अडवू नका. अडचणी खूप आहेत. त्यामुळे मतभेद होणार नाहीत, याची काळजी सर्व यंत्रणांच्या प्रमुखांनी घ्यावी, असेही श्री. भुजबळ यांनी सांगितले.
कायदा सुव्यवस्था कायम ठेवा
श्री. देशमुख यांनी 3 मेस लॉकडाउनची स्थिती कायम राहिल्यास कायदा सुव्यवस्थेचा प्रश्‍न निर्माण होणार नाही, याची खबरदारी घेण्याची सूचना अधिकाऱ्यांना केली. तसेच मालेगावमध्ये घराघरात सर्वेक्षण करण्यावर भर देण्यात यावा, प्रतिनियुक्तीने जे हजर होणार नाहीत त्यांच्यावर निलंबनाची कारवाई करण्यात यावी, भाजीपाल्याच्या वाहनांमधून परजिल्ह्यातून येणाऱ्यांवर लक्ष केंद्रित करण्यात यावे, याचाही श्री. देशमुख यांच्या सूचनांमध्ये समावेश होता. श्री. मांढरे, श्री. नांगरे-पाटील, श्री. गमे, डॉ. सिंह यांनी कोरोना व लॉकडाउनच्या पार्श्‍वभूमीवर केलेल्या उपाययोजनांचे सादरीकरण केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.