नाशिक रोड : लोकाग्रहास्तव रेल्वेने सुरू केलेल्या मनमाड मुंबई मनमाड स्पेशल ट्रेन क्र. 02110/02109 (मनमाड-मुंबई-मनमाड) 12 सप्टेंबर 2020 पासून सुरु होणार असून याचे तिकिटाचे आरक्षण 10 सप्टेंबर 2020 पासून तिकिटांचे आरक्षण सुरू होईल. यासाठी रेल्वेने काही मार्गदर्शक सूचना जाहीर केला आहेत, त्याचा अवलंब प्रवाशांनी करावा अशी विनंती रेल्वेच्या भुसावळ विभागातर्फे करण्यात आली आहे.

प्रवाशांसाठी सूचना पुढिलप्रमाणे

मार्गदर्शक सूचनांमध्ये केवळ आरक्षित प्रवाशांना स्टेशन आवारात प्रवेश आणि प्रवास करण्याची परवानगी देण्यात येईल. कोणतेही अनारक्षित तिकीट दिले जाणार नाही. या गाड्या पूर्णपणे राखीव ठेवल्या जातील. केवळ वैध/कन्फर्म तिकिट असलेल्या प्रवाशांना प्रवास करण्याची परवानगी देण्यात येईल. प्रतीक्षा यादीतील प्रवाशांना प्रवास करण्याची परवानगी दिली जाणार नाही. थर्मल स्क्रिनिंगसाठी प्रवाशांनी स्टेशनवर किमान 90 मिनिट अगोदर येणे आवश्यक आहे. COVID-19 ची कोणतीही लक्षणे नसलेल्या प्रवाशांना प्रवास करण्याची परवानगी दिली जाईल. प्रवाशांनी स्टेशन परिसरात व प्रवासादरम्यान फेस मास्क परिधान करणे अनिवार्य आहे. प्रवाशांना बोर्डिंग, प्रवास आणि गंतव्यस्थानाच्या वेळी कोविड 19 शी संबंधित सर्व निकष, एसओपीचे पालन करण्याचा सल्ला देण्यात येत आहे.

हेही वाचा > ह्रदयद्रावक! मोबाईल मिळेना म्हणून भितीपोटी विद्यार्थीनीची आत्महत्या; ऑनलाइन शिक्षणाचा आणखी एक बळी

विविध स्थानकांवर गाड़ी क्र 02110/02109 आगमन व प्रस्थान वेळ (मनमाड-मुंबई-मनमाडविशेष)

अप दिशा - प्रस्थान - मनमाड मधून 06:02 वाजता, लासलगाव -06:18 ते 06:20 , निफाड-06:28 ते 06:30 , नाशिक रोड -07:07 ते 07:10 , देवलाली - 07:16 ते 07:18 , कल्याण – 09.38ते 09:40 , दादर- 10:25 
डाउन दिशा – दादर -18:28 ते 18:30, कल्याण –19:10 ते 19:13, देवलाली - 21:23  ते  21:25, नाशिक रोड - 21:32 ते 21:35, निफाड- 22:00 ते 22:02 , लासलगाँव - 22:15 ते 22:17, मनमाड आगमन  22:50 अशी रूपरेषा असणार आहे. 

हेही वाचा > संतापजनक! कोरोनाबाधित महिलेचा सफाई कर्मचाऱ्याकडून विनयभंग; घटनेनंतर रुग्णालयात खळबळ

संपादन- रोहित कणसे