दिंडोरी (जि.नाशिक) : तालुक्यातील रवळगाव येथील अल्पवयीन मुलींना (minor bride) पैशांची फूस लावून त्यांचा विवाह (wedding) लावून देण्याचा प्रयत्न करणाऱ्यांना सामाजिक (social worker) कार्यकर्ते ग्रामस्थांच्या सतर्कतेने पोलिसांच्या (police) हवाली केले. काय घडले नेमके?

या घटनेमुळे खळबळ; येवला तालुक्यातील २० जणांवर गुन्हा दाखल

याबाबत माहिती अशी की, येवला तालुक्यातील सावरगाव, कासारखेडे येथील काही युवकांनी रवळगाव येथील दोन अल्पवयीन मुलींच्या कुटुंबाला पैशांचे आमिष दाखवून फूस लावून त्यांचा विवाह लावण्याचा प्रयत्न केला. मात्र, सामाजिक कार्यकर्ते गोकुळ टोंगारे, सोमनाथ निंबेकर व ग्रामस्थांनी या प्रकाराची माहिती मिळताच वऱ्हाडी मंडळींचा डाव हाणून पाडत २० जणांना पोलिसांच्या हवाली केले. याप्रकरणी येवला तालुक्यातील २० जणांवर दिंडोरी पोलिस ठाण्यात गुन्हा दाखल करण्यात आला असून, या घटनेमुळे खळबळ उडाली आहे.

नवरदेवाच्या कुटुंबातील वाहनांच्या काचा फोडून उपस्थितांना चोप

नवरदेवाच्या कुटुंबातील दोन स्कॉर्पिओ वाहनांच्या काचा फोडून उपस्थितांना चोप देण्यात आला. याप्रकरणी दशरथ पवार, अमोल पवार, सुनीता पवार, अक्षय पवार, योगेश पवार, ज्ञानेश्‍वर बोरसे, धार्मिक घेगडे, गोकुळ जाधव, सागर गायकवाड, संजय घेगडे, गोरख घेगडे, एकनाथ गायकवाड, रामेश्‍वर गायकवाड, रामदास गायकवाड, जनाबाई घेगडे, सीमाबाई घेगडे (सर्व रा. कासारखेडे), अण्णा मलिक, मीना मलिक (रा. दहेगाव, ता. नांदगाव), पप्पू पठाण, कासम शेख (रा. विसापूर, ता. येवला) यांच्यावर त्यांच्याविरोधात ॲट्रॉसिटी, पॉस्को कायद्यान्वये गुन्हा दाखल झाला. याप्रकरणी पोलिस निरीक्षक अनंत तारगे यांच्या मार्गदर्शनाखाली सहाय्यक पोलिस उपनिरीक्षक कल्पेश चव्हाण, कर्मचारी गायकवाड, खांडवी, चव्हाण तपास करीत आहे.