नाशिक : मविप्र निवडणुकीची प्रक्रिया सुरू असताना सत्ताधारी-विरोधकांमध्ये आरोप-प्रत्‍योपाच्‍या फैरी झाडल्‍या जात आहेत.

विरोधी गटात सहभागी झालेले आमदार माणिकराव कोकाटे यांचे बंधू भारत कोकाटे मात्र सत्ताधारी गटाच्‍या व्‍यासपीठावर बुधवारी (ता.१०) उपस्‍थितीत होते. संस्‍थेत राजकारण येऊ देऊ नका, अशी टीका करताना अप्रत्‍यक्षपणे त्‍यांनी बंधू आमदार कोकाटेवर निशाणा साधला. (MP Election MLA manikrao Kokate brother Bharath Kokate in ruling group nashik Latest Marathi Political News)

प्रगती पॅनल समर्थकांच्‍या मेळाव्‍यात भारत कोकाटे व्‍यासपीठावर उपस्‍थित होते. मराठा विद्या प्रसारक संस्‍था हे विद्येचे माहेरघर आहे. त्‍यामुळे संस्‍थेच्‍या कामकाजात राजकारण येऊ देऊ नका, असे आवाहन त्‍यांनी सभासदांना केले. या माध्यमातून त्‍यांनी स्‍वतःचे बंधू आमदार कोकाटे यांच्‍यावर निशाणा साधला आहे. बंधुंमधील या वादाचा आगामी निवडणुकीत कुणाला फायदा होतो, अन्‌ कुणाला फटका बसतो, याकडे लक्ष लागून राहणार आहे.