Nashik Bytco Hospital : नाशिक रोड येथील बिटको रुग्णालयातील अनागोंदी प्रकरणाच्या तक्रारी आल्यानंतर आयुक्त डॉ. अशोक करंजकर यांनी शनिवारी (ता. २५) रात्री अचानक भेट देऊन सुविधांची पाहणी केली. (municipal Commissioner surprise visit to Bytco Hospital nashik news)

डॉ. करंजकर यांनी दिलेल्या ‘सरप्राइज व्हिजिट’मध्ये अनेक डॉक्टर आणि कर्मचारी गायब असल्याचे समोर आले आहे. रुग्णालयातील स्टाफच गायब असल्याने आयुक्तांनी प्रशासनाची झाडाझडती घेतली.

रुग्णांना दिल्या जाणाऱ्या सुविधेत अनेक त्रुटी आढळल्या. रुग्णालयात अस्वच्छता असून, घाणीचे साम्राज्य पसरले आहे. त्यामुळे आयुक्तांनी वैद्यकीय विभागाची चांगलीच कानउघाडणी केली.