Dr. Ambedkar Jayanti : बाबासाहेबांचे विचार हे परिसारखे आहेत जो ते ग्रहण करेल त्याच्या आयुष्याचे सोने झाल्याशिवाय राहणार नाही. गौतम बुद्धांची अहिंसा अन्‌ बाबासाहेबांची राज्यघटना प्रत्येक नागरिकांनी अंगिकारल्याशिवाय देशाची प्रगती होणे अशक्य आहे असे मत आमदार नरेंद्र दराडे यांनी व्यक्त केले.

लासलगाव भारतरत्न डॉ. बाबासाहेब आंबेडकर यांच्या जयंतीनिमित्त शहरात निळ्याशार पताका, निळे ध्वज, रोषणाईत न्हाऊन निघाले. जयंती उत्सवाचा अनोखा उत्साह नागरिकांमध्ये दिसून आला. (Narendra Darade statement on Dr Ambedkar Jayanti nashik news)

डॉ. बाबासाहेबांच्या पुतळ्याजवळ सकाळी दहाला सामाजिक, धार्मिक, शैक्षणिक, राजकीय आदींसह सर्वच क्षेत्रातील व्यक्तींनी हजेरी लावली. लासलगाव शहरातील वरदहस्त व श्रीराम सेना ढोल ताशाच्या पथकाने वाद्यवृंदाच्या माध्यमातून बाबासाहेबांना अनोखी मानवंदना केली.

यशोधरा व महिला मंडळातर्फे भीमज्योत पुतळ्याजवळ आणण्यात आली. कार्यक्रमाचे प्रमुख पाहुणे म्हणून विधान परिषदेचे आमदार नरेंद्र दराडे यांनी डॉ. बाबासाहेब आंबेडकरांच्या पुतळ्याला हार अर्पण केला.

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

जयदत्त होळकर म्हणाले, डॉ. बाबासाहेब आंबेडकर यांनी त्यांचे आयुष्य आपल्या सर्वांचेच आयुष्य सुखकर होण्यासाठी अतोनात पराकाष्ठा केली. काळाराम मंदिर सत्याग्रह, महाड सत्याग्रह या सत्याग्रहाच्या माध्यमातून देशामध्ये वैचारिक क्रांती घडवून आणली. सूत्रसंचालन डॉ. अमोल शेजवळ यांनी केले.

शिवा सुरासे, प्रकाश पाटील, डॉ. सुजित गुंजाळ, रामनाथ शेजवळ, मधुकर गावडे, सचिन होळकर, डॉ. विलास कांगणे, राजेंद्र चाफेकर, जयंती उत्सव समितीचे अध्यक्ष राहुल पवार, कैलास केदारे, आरती भालेराव, संगीता शेजवळ, तुळसाबाई शेजवळ, रूपाली केदारे, माया केदारे, छाया जाधव, यशोधरा व रमाई महिला मंडळाचे सदस्य उपस्थित होते.